釗峰On仔分享過年習俗　黃淑蔓教馮允謙年廿八洗邋遢

一班新晉歌手梁釗峰 (釗峰)、陳健安 (On 仔)、馮允謙 (Jay Fung)、黃淑蔓 (Feanna)、黎曉陽 (Michael) 、樂隊Nowhere Boys 主音 Van 及結他手 Ken，齊齊「年廿八洗邋遢」，除了在家中大掃除，還要洗滌心靈健康，重新迎接新一年。

幾位歌手因為年齡相近，一向感情極佳，「寰亞孻女」Feanna自從與Jay 合唱《尋找白金漢之 You’re My Buckingham》後感情更加深厚親如兄妹。

 Jay在加拿大長大不會看中文，Feanna 更不時客串靚靚「Miss Feanna」義教為 Jay 補習。

Feanna 今日就為Jay解釋過年的意義及習俗，Feanna就問 : 「過年當然要講一下農曆新年習俗，可能大家多多少少都會知，但『鬼仔』就唔知嘞，Jay 你知唔知甚麼是年廿八？年廿八有何習俗？」

▲ （圖片：寰亞））

Jay借用英文回答：「係咪要清潔？something something 邋遢？」令Feanna、釗峰及On仔失笑。Feanna爆肚問：「年廿八洗邋遢，咁你識唔識『邋遢』點寫？」令Jay也不禁說：「梗係唔知啦，咪玩我啦。」

Feanna簡單解釋，年廿八除了在家中大掃除，也可清走負能量，洗滌心靈健康，Jay馬上回應會選擇唱歌洗走不開心。」On仔就有獨門秘方：「有不開心我建議寫下來，在寫的過程，會見到其實並非很不開心，然後再丟了張紙，就會把衰嘢丟走。」釗峰說：「有一陣子睡不好，知道可能自己壓力大，所以寫了《28 天》，教自己不可以執著。」年紀輕輕的Feanna直言沒有甚麼負能量。

▲ 釗峰跟大家拜早年。（圖片：寰亞）

大家分享了過年習俗，Jay 説：「我年初一就會著新衫。」身旁的On仔一臉嚴肅地說：「吓，唔係好啱喎！好似唔可以㗎！」Feanna為Jay解圍說：「哈哈，佢講笑啫，係得嘅。」

Feanna說年三十晚年夜十二時，會一家人一起吃餃子，寓意團團圓圓，釗峰則說：「年初一不會冲涼洗頭，因為新年會帶來好運，不可以第一日就將好運冲走。」On 仔說：「我家裡習慣年三十晚碌柚葉冲涼，將不好的事冲走。」