【武漢肺炎】陳慧敏目擊澳門超市搶糧 呼籲冷靜：不要輕信謠言進行不必要的搶購
發布時間： 2020/01/27 10:27
最後更新： 2020/01/27 12:59
▲ 陳慧敏回澳門目擊超市被搶糧的情況。
武漢肺炎肆虐，暫時澳門有5宗確診個案，本身為澳門人的陳慧敏，在農曆新年回澳門與家人團聚過年。陳慧敏在昨晚（1月26日）於個人IG講及澳門現時市況。
陳慧敏表示，在大年初二替爸爸往超級市場買菜，目睹情況：「如我所料，超級市場擠滿咗人，真係第一次見到啲菜咁搶手...呀唔係..係肉、米、麵、凍櫃嘅包裝食物，都被一掃而空。」
陳慧敏並描述，超市內幾乎所有人都帶口罩，形容只是除了「一啲感覺完全無懼嘅呀叔。」而她最後只買到一包紫菜給爸爸，陳父十分無奈，她安慰父親指，到大年初四後會添貨，屆時再買。
她續寫：「其實，大家嘅恐慌唔係無理由，始終今日已確診5宗新型冠狀病毒個案，但此時此刻我地可以做乜？只能做好公民本份，要更有秩序，更多信心一齊對抗頑疾，增強個人免疫力，做好防護措施，戴口罩，去高危地方帶埋眼罩，勤洗手，相信一定可以一齊渡過呢個難關。」
同時，她表示感激所有在此緊張時期仍繼續工作的人：「睇到超級市場嘅工作人員，我好感動，澳門無你地，個城市就真係會停， 仲有醫護人員同埋把手每個關口嘅人，大家都一定時刻為整個城市著緊，真係辛苦你地（哋），感恩有你地（哋），我地（哋）先可以喺慌亂嘅世界之中，仲見到好多好多愛。」
此外她不忘提醒不要輕信謠言，事實澳門食用品供應充足，她寫：「特區政府公佈了新型冠狀病毒的防疫措施，以加強本澳的公共衛生及公共安全。須明確指出的是，措施不影響本澳日常鮮活、冰鮮、冷凍食品，以及其他糧油罐頭食品的正常、持續及穩定供應。
本澳的鮮活、冰鮮、冷凍食品，以及其他糧油罐頭食品供應充足穩定。居民不要輕信謠言，進行不必要的搶購。特區政府呼籲居民，留意新型冠狀病毒感染應變協調中心每天發佈的防疫訊息，不應相信及言傳未經證實的不實消息。」
撰文 : TOPick柴犬出動
