【武漢肺炎】疑上車無位搏讓座　無公德心婦東鐵車廂內除下口罩狂咳

當人人都戴上口罩防疫時，居然有人故意除下口罩咳嗽。近日網上傳出一條影片，拍攝到一名語帶鄉音的婦人，在東鐵車廂內遭其他乘客指責，指她故意除下口罩狂咳。婦人面對指責，鬥氣地說：「我就係唔戴口罩咁點呀，我都無發燒」。

有網民於Facebook上傳影片，指自己乘搭東鐵時，遇到一名婦人因為見到車上無位而扮咳，疑似搏人讓座。有乘客不齒她的行為，開口指責她為何要故意脫下口罩狂咳：

特登除下口罩咳，咩意思呀你？咩心地呀？

但她只回應：

你咩心地啊？你又知我咩心地。你理咁多，你照顧自己咪得囉。我點解要除低口罩咳嗽，有我嘅原因。我有感冒我有發燒咩？我就係唔戴口罩咁點啊，我又無發燒。

有民眾又指她「乞人憎」，她回應：我係乞人憎，咁點呀。

影片上傳者表示，雖然影片完結時婦人已經「收聲」，但豈料後來又在車廂「嘈」，所以上傳者忍不住大聲指罵她，結果婦人乘搭1個站後就在上水下車。

責任編輯：羅嘉欣