【武漢肺炎】廁紙包裝破損容易吸濕受潮　消委會籲市民「咪囤積廁紙」

武漢新冠肺炎疫情持續，食米、廁紙等物資不足謠言亦滿天飛，令商舖超市的口罩、漂白水外，食米及廁紙亦經常被人搶購一空，唔少市民一見店舖入貨，就搶購4、5、6條一打裝廁紙。不過消委會就提醒大手入貨的市民要注意，在潮濕的日子，廁紙都是容易吸濕受潮，甚至發霉，滋生微生物，影響衛生同品質。

消委會解釋，雖然廁紙外的包裝，以及每卷紙，一般用塑膠袋包著，但若果包裝封口唔完整，或備有透氣孔，以至開封後，廁紙都容易吸濕受潮，甚至發霉，滋生微生物，影響衛生同品質。

所以消委會呼籲市民不要一次過買大量廁紙，如果已經購入，就要儲存在乾爽、通風同潔淨嘅地方，絕對不適宜大量存放在比較潮濕的洗手間內，以防濕氣入侵，影響紙張品質。

消委會重申，早前廁紙供應商表明，貨源充足，維持正常供應，市民毋須太擔心同一窩蜂搶購。

責任編輯　李志強