【齊心抗疫】婆婆戴超薄口罩每4日落街買餸　街坊送口罩：婆婆口罩是朋友多年前贈送

口罩難求，長者欠缺資訊，行動不便，更難買口罩抗疫。市民黃小姐連日來在社區送贈口罩給有需要的人，日前她遇上一位婆婆戴著極單薄的口罩，拄著拐杖，行動緩慢地拿著餸菜走在街上。傾談後得知，婆婆獨居，因口罩不夠用，為省口罩，每4天才外出買餸一次。黃小姐隨即送上口罩及清潔用品，讓婆婆應急。分別一刻，婆婆眼泛淚光，不住向她說「謝謝」。

TOPick《病毒口罩百科》電子書免費下載連結

口罩薄透如紗布

新冠肺炎（武漢肺炎）疫情持續，惟社區仍有不少需要人無力買口罩。市民黃小姐Joefi 連日來走訪港九新界多個地區，為基層街坊、清潔工人、拾荒長者送上口罩等抗疫用品。日前她在街上分享口罩時，遇上該名婆婆，於facebook講述二人相遇的經歷。她坦言，被婆婆臉上戴著的口罩吸引目光：「一個我從未見過嘅口罩款」。Joefi目睹婆婆拄著拐杖，提著兩大袋餸菜，形容「行動極度緩慢」。

她不禁上前問道：「婆婆，你個口罩好特別呀！你夠唔夠口罩用呀？點解你買咁多餸呀？」婆婆坦言無法排隊買口罩，所以在家中尋找，找出多年前由朋友送贈的口罩，就是她當時戴著的那個。Joefi形容，口罩極度單薄，沒有鐵線，「只係一塊透透地嘅紗布」。

婆婆：每4日落一次街買餸

為助婆婆解困，Joefi隨即送上10個口罩應急。婆婆收到口罩後甚開心，問為何那麼好人，又問Joefi來自甚麼機構。Joefi稱，自己住在附近，是街坊，婆婆其後道出自己的情況，因為家中只有很少口罩，故需節省使用，

所以每4日先落一次街買餸，一買就要買夠4日食。

眼見婆婆提著餸菜，狀甚辛苦，Joefi主動助她拿到住所樓下，傾談期間得知婆婆是獨居長者，而且欠缺買口罩的資訊。Joefi稱：

老人家資訊唔夠發達，邊度有口罩排都唔知，邊度有口罩派更加唔知，領取嘅綜緩更加唔夠去買天價口罩，所以根本無辦法。唯有，計住數，少D出街，或者洗一洗個口罩，重用再重用。

【齊心抗疫】清潔工三日用一個口罩歎「日日返工邊可以排隊」　義工赴垃圾站送口罩：他們沒時間休息

街坊：佢眼泛淚光咁不斷多謝

Joefi最後決定多送10個口罩給婆婆，並送上骨丸、搓手液和超市現金券。二人分別一刻，Joefi稱:

佢眼泛淚光咁不斷多謝，互相祝福之後，我第一個擰轉面走，因為我怕我都會喊咗出嚟。

她不諱言，感覺到一股強烈的無力感，但同時也呼籲大家多走一步：

我知道無論我行幾多區，都唔可以俾到所有有需要嘅人，不過，希望可以感染到大家，睇到之後，可以嘗試一下。踏出一步，多留意身邊或街上面嘅長者，如果覺得佢地有需要，而你又有多口罩嘅，試下多口問一句。

最後她說：

要贏呢個病毒，一定唔可以自私，因為你身邊或者你住嘅區域，又或者你平時出入嘅地方，見嘅朋友都好，同你都有密切嘅關係。

【武漢肺炎】心痛拾荒者清潔工重用口罩　義工穿梭橫街窄巷派口罩

責任編輯：黃泳欣