屋邨名校保良局百周年李兆忠紀念中學 丁永興:靠實力一樣可考入世界級名校

親子 18:07 2020/02/26

分享:

保良局百周年李兆忠紀念中學校長丁永興。

近日全城抗疫的感受,除了知道年年考第一都唔係好叻之外,感受更深是基層人士的起步愈來愈艱難,單單講買口罩,政府能做或做到的不多,結果係基層自求多福,基層輸蝕的不單是財富,而更大影響是欠缺人脈或方法。在香港教育無可否認係有「輸在起跑線」的情況,我相信全世界其他地方都一樣,不過,我都相信在香港仍可「知識改變命運」,有無諗過一間屯門的屋邨中學,過去5年有4位畢業生入英國劍橋大學,亦有其他入讀其他頂尖大學。

當我做教育記者時,直資學校開始陸續湧現,老牌資助名校紛紛轉為直資辦學,部分收取相當昂貴的學費,當時已有不少教育界的人提出擔心「教育貴族化」,基層家庭即使死慳死抵去交學費,也要放下孩子之間家境比較的心魔,先至夠膽報讀直資名校,而原本是不用交學費。事情發展至今,已差不多廿年,直資學校學費有貴族、有平民,但無可否認,基層入讀名校的機會是愈縮愈細。

與此同時,資助學校不知不覺也在好努力培育人才,正如我講緊呢間屯門區屋邨名校,除了學生成績優異,升讀本地大學是普遍水平,進一步就係外國頂級名校。呢間學校認為,學生有上進心是最重要,學校儘量拓闊學生的經歷,例如有專責老師帶他們親赴外國大學参觀交流,協助他們了解自己的强項和志向,及安排校內模擬面試等,做足準備。

我都是屋邨學校長大,我就無咁理想成績及運氣入讀呢間學校,我覺得屋邨仔女智力、能力都絕不輸蝕,只要學校或老師有正確方法,前途成就一定會比所謂傳統名校的學生差。

而咁多學生入讀劍橋的屯門屋邨名校,就係保良局百周年李兆忠紀念中學,校長係丁永興,他說:「其實屋邨學校有不少非常優秀的學生,只是礙於家庭背景及居住地點,可能限制了他們的眼界,但只要靠實力,一樣可考入世界級名校。」

香港電台第一台《我們不是怪獸》 「梁永樂-怪獸爸爸and friends」
周日晚十點新聞後播出

撰文 : 梁永樂 八爪魚爸爸