【隔離令】返港留學生違隔離令　升學顧問：英院校正研究處分嚴重可解除學位

新冠肺炎疫情蔓延全球，港府上周四（19日）起要求從外國抵港人士強制檢疫14天，並戴上電子手環作監察，惟近日屢見疑似違反隔離令的人士，包括從外國返港的留學生。有升學顧問指「壞事傳千里」，事件已引起英國逾百間中小學及大專院校關注，「（院校）研究如果學生違反隔離令，以及提供到有效證據，學校將會記錄處分、嚴重嘅可以解除學位」。

英識教育執行董事陳思銘日前在社交平台上發帖，呼籲各位留學生切勿違反隔離令，「呢個係一種極自私嘅行為，唔好話遲啲連英國都番（返）唔到，被人print screen（截圖）你教人剪手帶，違反隔離令最高可判處罰款2.5萬元及監禁6個月。」

其後他再發帖指，有許多留學生都有遵守隔離令，「就係小撮人，小小嘅Foolishness（愚蠢），影響大家對留學生嘅觀感。」並呼籲學生遵守隔離令，「你哋細細個身體好未必驚，有好多人有長期病患，有時候有啲事，你以為好小事，但結果真係會累到人哋嘅一生。」

陳思銘接受TOPick訪問時解釋，按英國院校的入學條款，有註明當留學生在返港放假期間行為不檢（misconduct）、甚至犯法，校方有權解除留學生的學位，校方亦可拒絕Sponsor（或稱擔保）學生的簽證。

他批評目前港府的隔離令措施未夠嚴厲，「（違反隔離令）得warning letter（警告信）都唔會驚，要有後果先會驚」。他亦不怕「打爛自己飯碗」，有向英國多間院校發電郵講述事件，已引起過百間英國中小學至大專院校的關注，包括英國名牌中學Oxford International College（英國牛津國際公學）及Bilton Grange（雷普頓學校）等。

【社區播毒】留學生回港違反隔離令 IG自拍剪斷電子手帶IKEA打卡瞓床

【隔離令】尖沙咀酒店戴防疫藍手帶住客日日夜蒲　職員報警求助

記者：馮琪雅