【贏在防疫時】老師開班「停課不停補課」 虎媽特訓仔女上3個月補習班追成績

親子 11:40 2020/04/10

分享:

分享:

有虎媽竟趁著新冠肺炎停課期間,安排孩子勤上補習班追成績。

80後身兼的士司機及著名作家白告,在的士車廂內見盡人生百態,更不時與乘客對答。近日在新冠肺炎疫情下,的士生意大減,但白告仍接載了不少學生哥及媽媽們,往返仍有開業的補習社,並聽到學生哥大呻不但「停課不停學」,老師更要求「停課不停補課」;有小學生媽媽甚至繼續安排孩子補習,哪一間仍有開門就轉校去。有媽媽更語出驚人,要趁停課期間追成績,「以往要贏在起跑線,而家要贏在防疫時。」白告的見證如下︰

近排揸的士真係遊車河多,客就係得咁多,既然有收入,盡量留返俾啲行家。唔算係咩幫助,只係幫得一個得一個。

【DSE2020】文憑試4月24日開考成未知數 考生壓力爆煲︰令我對考試無信心

居然有全套校服嘅學生上車。

「司機唔該去乜乜商業大廈。」
「仲要返學咩?又話停課?」生意要做,疑問要解答。

「停課不停補課,話就特別班,又係一班同學齊齊整整。」同學仔數住Notes答我。

「咁你哋都幾勤力喎,唔怕肺炎咩?」
「老師叫到,邊有得唔勤力吖。」

【升中派位】年幼喪父媽媽獨力撐起頭家 小六男生考入Band 1英中立志當醫生

確實,學生成績有時就係老師成績,好似好膚淺,現實中家長就係咁睇,校長就係咁睇,甚麼理想,實習期都磨到七七八八。之前同過好成績名校同學傾計,老師大推入醫學院,而亂世中佢只想做個記者。醫生幫人唔係唔好,問題係聽到老師間傾計係估計今年出到幾多個醫科生。學生嘅一生前途,亦影響住老師嘅仕途。

「咁你而家返屋企?唔係喎,商業大廈附近邊有住宅。」
「補習呀。」疫情仲多堂上,嗰種滄桑真係超越年齡。當然我好奇補習都要停課,係咪補習學校照開頂住租。

補開嗰間停咗,媽咪特登搵呢間,驚我停喎。嗰度啲小學生仲誇張,啲媽咪教啲小學生,趁人哋停更加要補,開返學就贏得多。

無奈之中,睇住有人比自己更貼近牆角,笑到口罩都有咀形。

【多功能老豆】督促兒子停課不停學坐定做功課 傳統惡爸黃浩然︰覺得自己好煩

啲小學生堅係慘,據我聽呀同學仔去補習時偷聽啲小學生阿媽們對話,要趁機用呢段時間追成績,以往要贏在起跑線,而家要贏在防疫時。人哋停學三個月,個仔補多三個月,確實係唔易追過嘅差距,假如仲有命嘅話。

好嘅叫競爭,喺香港已扭曲為瘋爭。同學仔落車後,我喺附近仲見到唔少一身校服嘅同學,說好的停課,係咪真係咁嚴謹?

文章獲白告授權轉載

更多疫情下家庭教育報道,即睇︰

【停課不停學】嚴母為幼稚園女兒安排密集時間表 學齊中英文琴棋書畫僅半小時進餐

【自私父母】懶理疫情放假照帶仔女去玩 家長隱瞞幼稚園老師︰我們在家沒出門

【媽媽崩潰】子女停課在家爭用電腦學習 4孩媽媽崩潰︰我快死了

TOPick編輯部因應疫情已推出【停課不停學】小學各級工作紙,參考名校精選試題,鞏固知識,緊貼學習進度 立即免費下載: bit.ly/2X96KAZ