【人生哲理】幫人美言幾句的潛台詞 鄭丹瑞專欄:是你幫他人格擔保

休閒 13:06 2020/05/25

分享:

「麻煩你幫我喺阿邊個邊個面前,講幾句好說話!」每當有人有求於他人時,這句耳熟能詳的說話就會在耳邊響起。好說話其實應該怎講?如果一個人連「說好一句話」都有困難時,試問他又如何可以「講幾句好說話」?我教說話技巧,卻從來不懂得如何幫人家在別人面前替他講幾句好說話。「所謂幫人美言幾句,其實即係講幾個無傷大雅嘅美麗謊言,有乜所謂,幫得人就幫。」損友甲在損友吹水大會上說。

「我唔同意!」好事之徒說:「幫人美言幾句,喺人哋面前幫佢講幾句好說話,基本上就係你幫佢人格擔保:『你信我啦,呢個人得㗎!』你以為自己講咗唔使負責任,但係如果人哋信咗你呢幾句說話,而最後因為咁而受到損失,你估你使唔使要負番部分責任呢?『麻煩你幫我喺阿阿邊個邊個面前講幾句好說話!』真正嘅潛台詞就係:『麻煩你幫我喺阿邊個邊個面前講幾句大話。』我一生人最憎人講大話,我都唔講大話,點解要幫你講大話?」

好事之徒講得很有道理,難怪我每一次被要求替朋友在別人面前講幾句好說話時,我都面有難色。「你把口咁叻,一定難唔到你嘅。」我就會答他:「如果你唔介意我喺佢面前講關於你嘅真話,我絕對可以幫你。」朋友一聽,大都知難而退。講好說話,跟講真說話,完全是兩碼子事情。

立即下載hket App,掌握「全球疫情實時動態」、口罩供應資訊及急症室輪候時間: https://bit.ly/2V94aIF

訂閱TOPick Telegram,集合最新優惠及送禮情報:https://bit.ly/3bebLM2

撰文 : 鄭丹瑞