【職場哲理】升職後要報復用盡公司福利 鄭丹瑞:保證一定坐不長命

休閒 14:29 2020/06/01

分享:

如果一個人升職時有上述這些想法,鄭丹瑞指,保證他的職位一定坐不長命。

世姪獲公司升職加人工,而且職位是一人之下,萬人之上!替他高興之餘,要他請食飯慶祝。席間,他向我這個曾經也試過位居一人之下、很多人之上居要職的老人家討教,如何做好一個高層?我笑他是問道於盲,因為我天生根本就不適合做這些職位。

「咁仲啱,你可以話俾佢聽,點為之適合?點為之唔適合。」這位世姪的父親,是我多年老友,我當然要知無不言。我要求世姪:「你先閉上雙眼,幻想你第一天上班會做的三件事。」

世姪認真閉上雙眼,苦苦思量,之後,列出了三件事:「第一件事,我會為我嘅同事爭取更好嘅工作環境同福利,令佢哋可以安心工作。第二件事,我會安撫之前同我競爭,最終得唔到我呢個位嘅同事,交付重任,等佢知道公司有幾需要佢。第三,公司信任我,我就用自己嘅方式去管理好公司。」世姪父親,即我個老友,一邊聽,一邊不停點頭,擺明老懷安慰。

「為甚麼要想三件事?」世姪好奇問我。「你有所不知。」我解釋:

有人一知道終於有機會升職,能夠立刻想到的三件事,就是:一、以前邊個對我唔好嘅,我一定令佢唔好過;二、我要用盡公司嘅福利,我等咗10年嘞,終於等到自己嘅辦公室;同埋第三項,要一列望海嘅窗,要裝修到自己間辦公室美輪美奐!

如果一個人升職時有上述這些想法,我保證,他的職位一定坐不長命。

【聰明人】抱怨盡心盡力為公司第一個被炒 鄭丹瑞:聰明人會視為學習機會

立即下載hket App,掌握兩岸國際大事、健康生活資訊及急症室輪候時間: https://bit.ly/2V94aIF

訂閱Telegram最新🍴✈️🎁優惠及送禮情報:https://bit.ly/3bebLM2

撰文 : 鄭丹瑞