【派錢1萬】被要求「孝敬父母」上繳最少8千元 子女不滿︰點解屋企人咁貪錢

親子 12:35 2020/06/23

分享:

派錢1萬引起家庭分錢爭議,有子女被父母以「孝敬父母」為由,需上繳最少8千元。

政府派錢一萬元的現金發放計劃,本月21日65歲人士率先登記,而18歲至49歲則是最後一批,於7月19日起登記。很多子女尚未登記攞錢,父母已經約法三章要分錢,有仍在求學的子女在網上發帖文大呻,被要求上繳最少8,000元以孝敬父母,覺得父母貪錢而引起糾紛。

一名仍在求學的子女在facebook專頁《名校 Secrets》匿名發文指,自己都未登記一萬元現金發放計劃,父母已經提出他要上繳最少8,000元。

全港18歲以上市民既(嘅)派都未派,我老豆同阿媽就想食埋我果(嗰)一皮野,話咩要孝敬佢地(哋),至少都要攞8千蚊出黎(嚟),話咩幫我儲定唔知咩。

原打算自己儲錢或旅行用

他又言,父母攞錢早有前科,之前父母沒收了他3,500元學生津貼,「依家我果(嗰)一皮野又想貪」。原本他打算將1萬元先儲起,或之後用作旅行使費。

點解我有啲咁貪錢既(嘅)屋企人。

網民︰父母應直接提出有經濟需要

帖文一出引來網民討論,有網民認為父母辛苦養大孩子,要上繳都好應份,「日日供你食住唔使用錢嘅,仲掛住去旅行……你帶住嘅口罩邊個用錢買㗎,比返啲父母應該啦。」有人和議18歲已是成年人,有責任照顧家庭,所有支出都應AA制,「交租、家庭雜費、伙食,你有責任!」

另有網民批評他,在新冠肺炎疫情下,工作環境都好差,就算沒有失業都會被減人工。

你喺屋企嘅使費自然會高咗好多,伙食錢、電費、水費,全部都係錢。然後你開口埋口話父母貪你錢,攞你一萬蚊...... 仲話係去旅行?你知唔知而家咩時勢?咁大個人有冇嘗試喺屋企角度諗過?

不過,有人直言18歲可以自己決定如何用錢,父母由決定生兒育女一刻就有責任養大孩子,父母有經濟需要應該直接開口講,希望家人一齊出力儲錢以防不時之需,子女會明白的。

係老豆老母唔識講嘢……孝敬要你開到口就唔係孝敬啦!

更多派錢1萬報道︰

【派錢1萬】政府6月21日起派$10000 一文睇清多間銀行現金回贈及優惠

【派錢1萬】政府公布21間銀行參與現金發放  一文睇清派錢1萬元7大Q&A

TOPick推出小學各級工作紙,參考名校精選試題,鞏固知識,緊貼學習進度。立即免費下載:bit.ly/2X96KAZ

訂閱Telegram最新🍴✈️🎁優惠及送禮情報:bit.ly/3bebLM2

責任編輯︰林綺玲