【BB大晒】陳凱琳開產前派對公布二胎性別　鄭嘉穎兩年抱兩再當爸爸

陳凱琳（Grace）早前宣布再懷第二胎，鄭嘉穎兩年抱兩再做爸爸。今日陳凱琳跟一班好姊妹開產前派對，有份出席的單文柔在Instagram限時動態中公開過程，片中Grace把寫上「Boy or Girl」的汽球刺破，公布正陀BB的性別。

陳凱琳去年為鄭嘉穎誕下大仔鄭承悅（Rafael），今年5月宣布再陀B，不過二人一直未有向外界透露第二胎的性別。早前Grace便預告，會在本周公布BB性別。

【BB大晒】陳凱琳陀第二胎後首度現身　準媽媽Grace穿3吋高跟鞋

▲ 單文柔參加陳凱琳的產前派對派對。(取自IG）

陳凱琳開產前派對

今日（7月4日）Grace與一眾好友開Baby Shower，席上Grace把飄出的粉藍色寫著Boy氣球剌破，宣布BB是男孩！其後Grace亦向傳媒証實所懷胎兒是男嬰。

而單文柔之後在個人Instagram貼出與Grace的合照，更寫道：「期待baby 2 coming﹗#babyYiscoming #babeeshower」為好姊妹而開心。

▲ Grace把派對汽球刺破公布胎兒性別。（取自IG）

派對後，陳凱琳亦上載當日照片，並寫

估唔到咁快再一次搞 Baby Shower! 除咗用「超級感恩」去表達我對所有朋友嘅來臨，幫忙，愛心，關懷⋯等等等等，都唔知講咩好❤️😭I really love you guys!

特別要多謝好朋友Meibo @bow.en.vacances花嘅心機去設計同安排最美麗又好食嘅甜品！仲有小蜜蜂主題做嘅 「Ba-bee 🐝 Gender Reveal Cake」真係超越想像！@dessertswithabow

另外要多謝嘅係 Mandy @babyballoon 嘅驚人氣球設計！好震撼！大家嚟到都忍唔住要影相！

再一次多謝大家陪我玩咗一個下晝！一齊用一個咁好玩又咁有意義嘅方法同大家公布：「It’s a Boy!」

我同老公都好期待細佬嘅來臨～最緊要健健康康～好似哥哥咁人見人愛！哈哈

▲ Grace期待BB的來臨。（取自IG）

肥胎唔肥人

5月尾陳凱琳公布懷第二胎，早前現身海洋公園擔任揭幕禮嘉賓時，手腳依然纖幼，更穿上3吋高跟鞋示人，認真貪靚，但目測已懷胎五月。

陳凱琳表示相對陀第一胎時，今次陀B比較舒服，沒有孕吐等不適，胃口更不錯。

▲ Grace早前拍懷孕寫真，可見肥胎不肥人。（取自IG）

問及長子鄭承悅知道快將榮升哥哥時，有甚麼反應時，陳凱琳稱兒子似乎不太知道是什麼回事，不過為免呷醋，他將會送一份禮物給兒子。

有指陳凱琳產後會離開TVB，她強調戲癮依然大，不過現在把家庭放第一位，可能待兒子長大一點再參與拍劇。

▲ 陳凱琳肥貽不肥人。（取自IG）

另外，陳凱琳在同日又再上載在花旁影的照片，從衣著打扮應該她早前出席海洋公園活動時所拍，好寫道

珍惜現階段，
珍惜大自然嘅美麗，
珍惜身邊嘅朋友
珍惜家人嘅照顧，
懂得珍惜，
是多麼重要。

訂閱Telegram最新🍴✈️🎁優惠及送禮情報：https://bit.ly/3bebLM2