【現代陳世美】陳振華被太太力數賤男惡行 出軌家暴借錢走數樣樣做齊

娛樂 12:14 2020/07/06

分享:

陳振華為內地女友拋妻棄女欠一身債。

憑在《今宵大廈》飾演對晴晴(鄧佩儀飾)一往情深的印度裔演員陳振華(Ricky),近日卻被髮妻Alison在社交媒體發文控訴,踢爆陳振華的賤男真面目,並要求身處內地的他盡快回港辦理離婚手續。

陳振華太太Alison在文中指,陳振華在外間常以「老婆成日攞佢錢」為名借錢,實際是他在內地出軌,更將政府的資助、女兒的利是錢、朋友的應急錢等全部拿走,令到Alison與女兒生活拮据:「我同個女食都冇得食!學費你唔交累到個女冇書讀要退學!」

Alison亦對陳振華死心:「同你捱咗咁耐換返嚟就係呢啲?為咗隻廣州雞棄埋個女都算,仲要同人哋唱完我再唱衰個女,你有冇人性㗎!」

【大台合約】黃心穎令TVB損失累積逾億元 傳大台新約可因藝人言行所招損失作出追討

陳振華在《今宵大廈》令人留下深刻印象。(《今宵大廈》截圖)

【朱智賢出軌】偷食黎振燁後認錯獲TVB放生 朱智賢被揭一早發明星夢最愛收兵【有片】

對家庭不負責任

Alison並指,陳振華對女兒非常冷淡:「出世咁耐你一件玩具都冇買過畀個女啦!淨係送過一包糖咋!個女記到而家呀!嗰隻糖你個女以前唔食㗎!因為你佢鍾意咗呢隻糖,話你買過畀佢!成日都叫我買!因為佢好開心係你送畀佢!唔好再講到自己咁委屈話我教個女趕你走!首先個女冇趕你走,你要仆倒去搵隻北姑唔返屋企係你嘅事!唔該唔好再同人老作!」

陳振華出軌。(取自陳振華FB)

她續稱:「第二係你自己對個女衰令個女討厭你!係邊個掉低個女一個人喺餐廳走咗去,最後要餐廳嘅人打嚟搵我我先知道?!係邊個打到個女流血?!係邊個成日打個女個頭話個女賤?!係邊個一巴巴打落個女度!係邊個成日講粗口鬧個女嚟威脅我?!」

然而,Alison早已知道枕邊人變心,並呼籲陳振華早日回港辦理離婚手續:「本來冇得罪你,只係因為你自己有北姑而分開,你都可以癲到連公屋都特登取消埋唔畀我同個女!係你當咗自己大明星之後就去叫雞呀!收嘴唔好再抹黑我同個女!同埋麻煩盡快回港辦理離婚手續!」

陳振華被太太踢爆是「偽慈父」。(取自陳振華FB)

經喬寶寶介紹入行

陳振華與同母異父的哥哥陳彼得經同鄉喬寶寶介紹入行,哥哥陳彼得曾參與電影《春嬌救志明》、《逆流大叔》 等。

在2014年,曾被喬寶寶公開借錢不還,但陳彼得回覆傳媒時解釋:「只是未還。」

陳振華經喬寶寶介紹入行。(網上圖片)

陳振華未紅先驕

操一口流利廣東話的陳振華,入行將近12年,雖然熱愛演戲,但因演員收入有限,陳振華靠「炒散」及當髮型師養家,更幫癌症病人「義剪」,形象充滿充滿正能量。

可是在Alison的控訴中指出,陳振華「走紅」後「當咗自己大明星」,對於太太飲水思源的勸告一概不理。

Alison透露陳振華與Joey拍廣告時發脾氣:「人哋Joey拍咁長時間都未發脾氣,你喺片場發晒爛渣」並指他以粗言要求工作人員先拍他「話人阻住你返大陸拍嘢!態度又差!唔知真係以為你係國際巨星連Joey都差啲要行埋一邊讓你拍先!」

陳振華太太經濟陷困境 下一頁

訂閱Telegram最新🍴✈️🎁優惠及送禮情報:https://bit.ly/3bebLM2

撰文 : TOPick柴犬出動