【慈善音樂會】與鄭欣宜馮允謙即點即唱與樂迷互動 C Allstar:一齊努力就可以撐過疫症

娛樂 13:33 2020/08/03

分享:

C Allstar、鄭欣宜和馮允謙一起為慈善演唱。

得C Allstar慈善Live騷已於昨晚(8月2日)順利舉行,C Allstar聯同神秘嘉賓鄭欣宜及馮允謙一起演唱。今次的Live show破天荒沒有Rundown,大玩即場互動「你點咩、就唱乜」,無論飲歌還是cover都是即點即唱令樂迷帶來驚喜。

【慈善音樂會】與鄭欣宜馮允謙沒Rundown開騷 為慈善合體C Allstar即點即唱

C Allstar、鄭欣宜和馮允謙為樂迷即點即唱。

C Allstar今次獲得屈臣氏的邀請,為是次音樂會重新合體,在網上進行音樂會直播,為網民在大氣電波中提供音樂及視覺的享受。梁釗峰(釗峰)表示︰「大家呢段時間都足不出戶,相信大家都好需要音樂嘅支持。」

C Allstar對這次音樂會即興點歌的模式,表示興奮及高興。

【香閨曝光】鄭欣宜化身KOL拍片豪宅曝光 謹記亡母教晦買樓保值【多圖】

C Allstar三缺一。

陳健安(On仔)說︰「我哋初出道喺街頭Busking嘅時候亦有類似經驗,雖然感覺似係自己玩自己,但富挑戰性。試過最難忘係點唱《帝女花》同《Poker Face》,當下我哋唔識唱,但我哋邀點唱人仕下星期再嚟,我哋返去練完再唱俾大家聽。」

C Allstar表示,雖然因為疫情而收入減少,但見到巿民開始改變消費模式,他們亦有新計劃。

On仔指︰「而家啲人多咗喺網上消費,我哋都可以搞啲網上嘅活動,例如網上音樂會,然後要俾錢至可以睇,希望可以幫補一下收入,相信大家一齊努力,就可以撐過今次嘅疫症。」

C ALLSTAR成員King雖然因為身體抱恙未能出席,但有拍片支持活動。

鄭欣宜。

神秘嘉賓之一的鄭欣宜(Joyce),在音樂會中會跟C Allstar合唱《黑彩虹》及聯同馮允謙(Jay)一同合唱《80後時代曲》,令Joyce回憶起入行已經10年,今次是第一次正式跟C Allstar合唱。

Joyce謂︰「我對佢哋最記憶猶新嘅一個回憶,係入行嘅時候我成日都好容易喊,當時釗峰同我講叫我唔好咁易喊,你把聲本身好好聽,一喊就會影響你嘅表現!」Joyce因為他的一句說話,激發起了她學會如何在表演時控制情緒。

在抗疫期間,Joyce除了一直在籌備她的新歌之外,亦不斷努力更新自己的YouTube Channel,Joyce表示︰「好開心有觀眾支持我拍嘅片,今次疫情雖然收入減少,但對我嚟講最大得著係原來我可以拍到唔同類型嘅片,亦都得到唔少人支持,而拍片係唔會受到任何掣肘,唔駛被別人塑造自己嘅形象,可以喺自己嘅平台『做自己』。」

馮允謙。

另一位神秘嘉賓馮允謙(Jay)在C Allstar音樂會中現身,並合唱《山旮旯》。Jay指︰「我一直好欣賞C Allstar嘅和音技巧,終於有機會同佢哋合作。」由於Jay不太懂看中文,所以是次要合唱中文歌曲都下了一番苦功。

Jay又謂︰「都用咗一段時間去準備,歌詞中有啲字讀音太似,但又唔係同一個意思,所以對我嚟講都有少少難度。」

在家抗疫期間,Jay開始嘗試了家中直播唱歌及拍攝不同的日常片段。Jay更為了做直播,人力和財力都負出不少。Jay說︰「為咗喺屋企做直播,用咗唔少錢去添置器材同應用軟件,希望精益求精。」

撰文 : TOPick柴犬出動