【Burn Out】為拍MV 騷靚身段捱餓30小時 Anson Lo首度填詞自爆情史

娛樂 13:08 2020/08/05

分享:

Anson Lo推出第二首個人單曲。

MIRROR成員Anson Lo第二首派台作品《Burn Out》將於8月12日推出,今次他首度親自作詞,當中內容更與自己的情史有關,而早前拍攝歌曲MV時,Anson為了上鏡更好睇,竟連續30小時未有進食的情況下又唱又跳,意志力驚人。

Anson Lo第二首派台作品《Burn Out》。

【MIRROR爆料】姜濤分享Anson Lo防走光大法 12成員互揭《IGNITED》MV小秘密【有片】

《Burn Out》是借蠟燭形容一段燃燒殆盡的感情,Anson Lo表示:「今次自己作詞,是好personal的作品,當中有好多愛情觀跟歷史想同大家分享。」

為了配合歌曲的浪漫感覺,今次MV特意揀選了一間帶點復古味道的餐廳取景,Anson Lo更以多個不同造型示人,其中一套西裝更將恤衫開胸至腹部位置,Fit爆身形表露無遺。

Anson Lo特意在拍攝前一晚已開始禁食。

為了上鏡好睇,Anson Lo特意在拍攝前一晚已開始禁食,加上拍攝超過12小時,捱餓30小時又唱又跳,專業精神可嘉。

Anson Lo說:「我只飲黑豆水撐住生命,但驚喜地不太辛苦。為了上鏡那一刻夠瘦夠靚,所以即使見到食物,譬如工作人員在我面前食薯片,我都忍到沒攞拿來食,所以意志力好緊要。」

不過拍到日出前30分鐘時,Anson Lo坦言已經又攰又餓,所以拍攝過後一定要先吃碗牛腩河才會去睡。

MIRROR年輕力壯勁好胃口  Anson Lo被爆最大食一餐吃三碗飯

既要保持美好身段,又要跳出水準,Anson Lo坦言今次拍攝《Burn Out》MV壓力很大,所以他除了找來肥仔@Error為他排舞外,更厚面皮地主動要求Edan及Jeremy前來探班,不過好兄弟一call即到之餘,眾人更來個角色扮演。

Anson Lo找來ERROR肥仔為他排舞,並主動要求Edan及Jeremy前來探班。

Edan刻意穿上一身黑裝扮成PA,在現場又主動幫忙搬枱執拾;Jeremy則拿起熨斗充當造型師幫手熨衫,為兄弟事事都在所不辭,二人的舉動教Anson Lo十分感動,更明言之後會請大家食飯。

至於肥仔,他今次特別應Anson Lo的要求,排出既Sexy又帶點Gentleman的舞步,而且更提供一站式服務,排舞之餘更構思了鏡頭走位運用,實行幫到盡。

Anson Lo捱餓30小時又唱又跳。

被問到Anson Lo的舞技如何,肥仔說道:「我舞技出眾就梗㗎啦,但Anson Lo就係我之上。我老喇,要退位讓賢,要交俾後生仔去做。」Anson Lo聽罷大嚇一跳,更笑言:「平時肥仔都唔會咁講嘢,今日咁Humble(謙卑),好驚!」

對於肥仔的編舞,Anson Lo表示超級收貨,因為肥仔按其要求全部做到,他更說:「肥仔創咗一啲我完全未做過嘅舞步,例如喺地下嘅趴撫,性感不失紳士風範,十分好。」

訂閱Telegram最新🍴✈️🎁優惠及送禮情報:https://bit.ly/3bebLM2

撰文 : TOPick柴犬出動