【抗癌鬥士】林子博太太病情告急打嗎啡針止痛 Shirley發文報平安:知道醫生已經盡咗力

娛樂 09:56 2020/08/07

分享:

林子博太太病情突然危急入院。

藝人林子博太太董燕君(Shirley)去年發現患上「平滑肌肉瘤(腹腔)」,經過半年的化療療程後,處於休養當中。可是上星期六(8月1日)林子博太太Shirley突然感到劇痛入院,更須使用較強含嗎啡成份的止痛藥。

【抗癌鬥士】太太病情轉壞入院林子博感自責 一家之主陪走抗癌路獨力養全家

Shirley昨晚(8月6日)在Facebook報平安:「我出院喇!經過了6日終於可以出院!好感動!雖然呢次入院只係可以頭痛醫頭、腳痛醫腳!完全對我嘅病沒太大幫助!但係都好感恩遇到一班非常細心嘅專業團隊!其實現在公營機構水凖都好高,同以往差好遠,服務好似私家醫院咁!多謝你哋過去6日嘅照顧!」

Shirley在Facebook報平安。(Shirley Facebook)

Shirley只能用藥控制痛症。(Shirley Facebook)

她回憶自己入院的經過:「交代返我嘅病情,我係因為上星期四早上突然右肋骨內痛(應該係肝位置),之後胃痛,痛到坐唔到、企唔到(痛到成個人攣埋,我估呢啲係叫做癌痛)!之後開始暈、作嘔、氣喘!頂了兩日到咗1/8夜晚去睇急症!」

【抗癌鬥士】皮下現腫塊或是患癌先兆 林子博太太憶化療折磨:像24小時被打

醫生更處方了較強含嗎啡成份的止痛藥給Shirley:「醫生依家只係幫我用藥控制,暫時止痛、止暈!其實大部份比較強嘅止痛藥都有嗎啡成份!但係有嗎啡成份嘅嘢我食咗又會又暈又嘔!所以呢幾日就不停調教份量!」

Shirley在短短半年間已做了9次療程。

Shirley亦解釋,現階段醫生已盡力:「其他實質嘅嘢醫生真係冇乜辦法可以做!我知道佢已經盡咗力!希望以後乖乖哋唔好再無端端咁痛啦!(我都知道好多嘢都要靠自己)不過真係好驚㗎!無助感真係好重!最後要同大家講聲唔好意思!過去幾日要你哋為我擔心!」

不少網民在Shirley的貼文下留言為她打氣,希望她能早日康復,有網民留言:「雖然分擔唔到您嘅痛楚同面對病魔嘅無助,但希望我們小小嘅支持可以好似小人國嘅小士兵咁精神上撐住您。」

Shirley突然入院。(Shirley Facebook)

疫情下未能探望太太

子博早前向傳媒交代太太病情,指太太自去年接受化療後便未再做任何治療,至今年7月試新標靶藥,其後太太因肝酵素偏高,檢查之下腫瘤發大,建議再食標靶藥。

子博指現時每月支付兩萬元藥費,且擔心服藥副作用太大,最終還是停藥,子博最心痛家中兩個小朋友,且因疫情未能探望太太,只能透過電話慰問。

訂閱Telegram最新🍴✈️🎁優惠及送禮情報:https://bit.ly/3bebLM2

撰文 : TOPick柴犬出動