【體貼爸爸】3歲女兒食奶嘴被「公審」 張繼聰溫柔護女︰無謂對小朋友太harsh

育兒經 10:23 2020/08/12

分享:

張繼聰貼出愛女Kaka Ball的生活照,網民卻將焦點放在她食奶嘴上,批評「咁大個仲食奶嘴」。

張繼聰與謝安琪育有13歲兒子張瞻(James)和3歲女兒張靖(Karina),一家四口生活幸福。張繼聰疼錫前世情人,不時在社交平台貼出愛女Kaka Ball的生活照,不過他最近分享女兒的照片,網民卻將焦點放在她食奶嘴上,批評「咁大個仲食奶嘴」。好爸爸張繼聰溫柔護女,理性地與網民討論小朋友食奶嘴的問題。

每個小朋友是獨一無二

近日張繼聰於Instagram發帖,寫道「今朝,你話約咗人去公園,唔得閒陪我睇PJ Masks」,並上載了一張女兒的側面照,當時她咬著奶嘴。沒想到引來部分網民批評她3歲仍食奶嘴,「咁大個仲食奶嘴」、「仲食奶嘴會哨牙㗎」,更有留言「一世都冇安全感, 豈不是要帶埋奶嘴返工」。

對於網民的批評,張繼聰沒有動氣,反而留言表示︰

大人有啲嘢一世都戒唔到,無謂對啲小朋友太harsh。

他又指教導小朋友並非容易事,為人父母也是邊學邊做,而且「每個家長都有唔同嘅方法,因為每個小朋友都係獨一無二」,認為不能以一把尺套在事情上 ,更留言「大家分享吓,peace」,請網民冷靜。

張繼聰不時與女兒穿上父女裝。(相片來源︰張繼聰IG)

分享一招令兒子戒奶嘴

此外,他分享以前一招讓兒子張瞻戒掉奶嘴,他當時跟兒子說︰

你放心食,食到幾多歲都得,不過將來有女朋友,你諗吓會唔會影響大家嘅感情。

不久後張瞻就真的戒掉奶嘴。對於孩子食奶嘴可能惹來別人嘲笑,張繼聰表示會引導自己的小朋友,擁有一顆強大的心,可以專心做好自己之餘,亦能包容及尊重別人。

他的留言受到網民支持,有網民不解為何總人有愛批評小朋友食奶嘴,稱「小朋友未儲夠安全感咪食(奶嘴)」,亦有網民分享自己經驗︰「我個仔食到四歲,剛剛戒咗。唔使太強迫,有一刻自動會戒」。

另有網民欣賞張繼聰與謝安琪的教育方式,有感「Kaka Ball同瞻瞻好幸運有咁好嘅Daddy媽咪」,相信兄妹以後一定會成為一個快樂的人。

實時追蹤香港新冠肺炎確診者住所 / 出現地點,立即下載經濟日報App︰bit.ly/2JdOaiS

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱Telegram最新🍴✈️🎁優惠及送禮情報︰bit.ly/3bebLM2

責任編輯︰駱秀玲