【愛妻號】符曉薇不幸宮外孕須切除輸卵管 暖男丈夫陳柏宇陪太太捱過痛失BB難關

娛樂 10:35 2020/08/13

分享:

符曉薇拍片透露5月時不幸宮外孕,現時已完全康復。

歌手陳柏宇(Jason)的老婆符曉薇(Leanne),日前在YouTube頻道上載新片時自爆,5月懷有第二胎,但之後因出血和腹部疼痛接受檢查,證實宮外孕,6月做緊急手術切除輸卵管。

Jason落力氹老婆

影片出街後,大批網民留言關心Leanne的情況。她綜合眾人疑問後,昨日再出Post回應:「首先多謝大家嘅關心,然後解答下大家嘅問題,有網友問點解咁遲先知宮外孕?早啲去產檢就可以避免爆輸卵管,因為疫情下,所以避免成日去睇醫生,所以遲咗去睇先搞到咁。」

陳柏宇每日奔波到醫院探望老婆。(Instagram圖片)

此外,網民亦好關心Jason如何陪老婆走過這段路,Leanne就大讚老公窩心:「第二大家問陳生點樣氹我,佢繼續做返自己,繼續搞笑,令到好緊張嘅氣氛變得搞笑。

「我準備入手術室,成日都無飲過水和進食,勁口渴,護士幫我吊鹽水,陳生揸住杯水過嚟同我杯鹽水乾杯。雖則佢不嬲都賤格,但就係令到我笑返,我係醫院嗰幾日,佢日日都過嚟搵我,晚晚都同我FaceTime,我已經好足夠。」似乎Jason的幽默都令老婆能苦中作樂。

【愛妻號】黃智賢下廚為老婆慶生 曾炒股蝕廿萬仍堅持供太太留學追夢

Leanne現時已完全康復。(Instagram圖片)

Leanne感激媽媽照顧

Leanne分享手術的照片,並感激媽媽的照顧:「我做微創手術,開咗三個窿,個肚因為手術要吹脹 起碼一個月先完全還原,不過而家我完全康復啦!

多謝大家嘅愛,最後真係多謝媽咪個幾日照顧我,日日買餸煮飯煲湯比我,佢係一個唔識煮飯嘅人,上網搵資料之後煮比我。做完手術我勁虛弱,講嘢連氣都無,全靠媽咪靚湯,果然世上只有媽媽好!」

Leanne接受了微創手術。(Instagram圖片)

【BB大晒】雨僑8月8日8時誕B女 廿四孝老公羅力威備厚禮答謝愛妻

走出宮外孕陰霾

Leanne在影片中亦表示,目前身體已漸漸回復正常,但坦言當時心情十分失落,不敢相信失去了肚裏的BB,因為自己一直都想再添一名弟妹,陪伴2歲大的女兒Abigail。她又謂,曾一度害怕再懷孕,因曾有過宮外孕的女性,再有宮外孕的機會會較高。

幸好,Leanne獲一名曾經歷過2次宮外孕的好友開解和輔導,慢慢走出陰霾。她指:「不想輕易被任何事打敗,會重拾自己」,疫情過後會繼續努力造人,讓大家不用擔心。

平均約每500個孕婦就有一個是宮外孕

婦產科專科醫生方秀儀接受TOPick查詢時表示,平均約每500個孕婦就有一個是宮外孕,究竟宮外孕是怎麼一回事?有沒有辦法預防?症狀+成因+高危一族8大Q&A即睇【下一頁】

撰文 : TOPick 柴犬出動