【隔夜飯餸】奶奶最愛食隔夜飯餸 茶餐廳外賣例湯起白點仍照食用

親子 12:03 2020/08/21

分享:

有新抱指,家中奶奶最愛食隔夜飯餸,茶餐廳外賣例湯起白點仍照食。

正所謂「食得唔好嘥」,為免浪費食物,不少人有食隔夜飯餸的習慣,這個情況在老人家身上較為常見。一名新抱於社交媒體發帖,指同住奶奶喜歡食隔夜飯餸,即使隔夜飯餸變質起白點仍會照食用,惟新抱覺得非常嘔心,遂於社交媒體向網民提問。

新抱在Facebook群組「同住奶奶好惡頂討論區」發帖並上載相片,指奶奶一家最愛食隔夜飯餸,就連茶餐廳外賣的例湯都一樣,甚至擺放至例湯表面有白色點點仍照食用,

奶奶覺得例湯擺到起晒白點冇問題,真係好嘔。

她不禁問其他網民,「你哋嘅奶奶會唔會成日食隔夜飯餸。」

網民:奶奶都愛食隔夜飯餸

帖文引起網民熱議,不少新抱表示有同感,指家中奶奶喜愛一次煮好多飯餸,食用多天,「係咪老人家都係咁,我奶奶成個星期食緊同一碟餸」、「我奶奶好鍾意食魚,成日拎啲魚出嚟自己煮,食唔曬又擺入雪櫃,第二晚就咁起雪櫃拎出黎食,唔翻熱」。更有網民指其奶奶經常煲湯,

但唔會放入雪櫃,打開蓋,直至第二晚再煲熱繼續飲,輪迴幾晚,飲完為止,春夏秋冬都係咁。

內地有婦人食隔夜飯餸死亡

去年內地出現多宗食隔夜飯餸致感染惡菌的個案,其中一名80歲老婦人與家中61歲兒子吃過家中的隔夜飯餸相繼出現噁心、嘔吐及發高燒等症狀,老婦人最終不治。

TOPick曾訪問中大醫學院那打素護理學院博士後研究員梁慧儀,她表示很多市民經常在飯後沒時即時將需要留起的餸菜放入雪櫃,而急凍食物的解凍過程過長,也增加細菌滋生的風險,她提醒市民常見4大錯誤:

處理食物常見4大錯誤

1. 餸菜放涼後放入雪櫃

在食物放在室溫的時間過長,例如長於1至2小時就有機會滋生細菌,如果真是需要留起餸菜,應該盡快放入雪櫃。

2. 蛋、菇類、海鮮、菜當隔夜餸

不建議作為隔夜餸菜,因為此類食物容易滋生細菌

3. 利用電飯煲保暖翻熱

從雪櫃中取出的熟食要徹底翻熱才可進食,避免只利用電飯煲的保暖功能翻熱,未必足夠80度的熱力。

4. 解凍時間過長

急凍的食物應該在之前一晚放於攝氏4度的雪櫃格解凍,不建議從冰格取出後置於室溫解凍或者放在水中解凍,會令解凍過程中增加細菌感染風險。

實時追蹤香港新冠肺炎確診者住所 / 出現地點,立即下載經濟日報App︰bit.ly/2JdOaiS

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱Telegram最新🍴✈️🎁優惠及送禮情報︰bit.ly/3bebLM2

責任編輯:王明芳