【抗癌勇士】太太切斷神經線戒瑪啡藥紓緩痛楚 林子博為太太打氣:唔會咁輕易放棄

娛樂 16:32 2020/08/25

分享:

林子博太太入院做手術。

藝人林子博的太太董燕君(Shirley)去年確診患上罕見癌症「平滑肌肉瘤(腹腔)」第4期,Shirley今年7月試新標靶藥,可惜藥物副作用太大,令腫瘤位置更加痛。之前她服用了20日嗎啡藥,可是副作用越來越多,因此決定戒。

Shirley於社交平台透露日前入院接受微創手術,暫緩痛楚,不過留醫時醫生卻問她有何心願未了,令Shirley不禁憂心起來說:「講到我好似就快死咁!」

【雪中送炭】林子博為癌妻醫藥費而奔波 汪明荃曾送月餅藏現金助解困

Shirley病情反覆,令子博甚擔心。

林子博的太太董燕君昨日(8月25日)於個人facebook透露日前入院接受微創手術,當中更貼出吊著鹽水的照片,不過醫生的說話卻令Shirley感憂心。她寫道:

上次(1/8)入病房第一個見嘅醫生,佢同我講,如果你有事,我哋係唔會用心肺復甦法搶救你,因為你做過化療啲骨好脆弱,會承受唔到,我當時心諗,點解講到好似就快死咁嘅!

今次(21/8)再入醫院,我再次見到呢個醫生,因為我個腫瘤好痛,佢幫我做咗一個微創治療,做之前,佢同我講,做咗都好嘅,如果你有咩心願未了,襯呢段時間可以做埋佢!又係講到我好似就快死咁!

Shirley日前入院做手術。

不少網友即為Shirley打氣,著她加油。

至於林子博亦鼓勵太太,叫太太不用在意,他留言道:「點解有啲醫生,可以做到顧問醫生、甚至教授?因為佢哋有鍥而不捨嘅精神,不斷思考同研究點樣醫好病人,唔會咁輕易放棄!所以有料嘅醫生,更加唔會同病人講一啲放棄嘅說話。雖然睇你呢個係腫瘤科醫生,但好明顯佢只係打份工嘅心態,少做少錯!唔做唔錯!老婆,呢位醫生唔使理,因為佢唔係你嘅主診醫生!」

【雪中送炭】林子博拍真人騷為癌妻賺藥費 感謝古天樂馬浚偉相助:古生叫我不用擔心診金

林子博跟太太 Shirley。

林子博早前向傳媒交代太太病情時,透露太太自去年接受化療後便未再做任何治療,至今年7月試新標靶藥,可惜藥物副作用太大,令腫瘤位置更加痛,由於服食止痛藥很不舒服,故太太停吃嗎啡成分的止痛藥,出現又暈又嘔的情況。

而林子博早前向傳媒透露,醫生現時為太太在腰椎做一個微創手術,破壞腹腔連接大腦的神經線,望能暫時舒痛楚。

林子博一家四口。

過去一年林子博為了太太的病情而四處奔走。不過,演藝圈亦有不少人士願意為他們伸出援手,當中就包括有汪明荃、古天樂及馬浚偉等。

而子博亦態度樂觀,曾說:「希望有奇蹟啦!若之後再有其他另類治療,我們都會嘗試」。

撰文 : TOPick柴犬出動