【開學準備】網上開學全城家長搶iPad賣斷市 港媽急為長老屋企搞IT︰3個細路3部平板

教育 13:24 2020/08/26

分享:

開學在即,全城家長都忙於搶iPad,又大呻孩子由四大長老幫手湊,不懂電腦知識難以輔助。

9月開學變網上開學,家長不再如往年買書包文具,轉為搶iPad搞IT。大批家長在網上紛紛就IT問題討論,有多孩媽媽要一孩一機,但多區電器舖的iPad已沒有現貨;有在職家長又擔心,孩子要放在四大長老屋企,但長老不懂電腦,要急急為長老屋企搞網絡及添置電腦設備,非常頭痕。

有多位港媽先後在網上討論區《親子王國》開帖文,表示擔心全港幾十萬師生齊齊用Zoom、Microsoft Teams及Google Meet,加上返工人士都要用,網絡會頻頻斷線,「好一個壓力測試」。

不少在職港媽表示,自己要返工,孩子由四大長老湊,但老人家屋企沒有WiFi和電腦,用電話則屏幕太細兼浪費數據。

老人家乜都唔識,上堂有咩技術問題冇人幫到,我真心煩。

長老家要裝WiFi或買數據卡

其他爸媽紛紛建議要馬上為長老屋企安裝WiFi上網,或者為孩子買數據卡。此外,有父母建議宜盡快買iPad,因為使用iPad比較少技術問題、耐用及易操作,但很多網民表示在剛過去的周末,走訪過多區的電器舖及蘋果專門店均表示iPad無現貨,現在網上訂購的話,起碼要等2至3星期,趕不及開學。

有3孩媽媽指出,3個孩子要一人一機,但貴機實在太大負擔兼怕孩子弄壞,寧願買部價值599元的平價平板電腦一試。

學校指定iPad Air 3改裝

不過,有不少學校指定要用iPad Air 3,故成為近日最渴市的機種,在蘋果官網現售3,999元64GB,而且部分學校指明會改裝該機,只用作上課,不准安裝其他apps,引起很多家長不滿,因有些基層家庭要共用平板,希望學校可以資助一下另買新機。

有啲家庭同個學生share同一部機,有馬會apps又有其他冇謂apps喺入面,如果要上堂學習嘅,其實大家都係要統一受監管好,如果唔係上堂時間,個學生做其他嘢你就管唔到㗎喇。

呻兒子打機叻上網課「一嚿雲」

新機到手都要盡快學懂操作,一名港媽大呻6歲半的兒子明明打機好叻,但上Zoom堂仍是「一嚿雲」。很多家長都認同好難靠長老幫忙,只能先安排好IT設備,開學初期請假陪上堂協助,最重要是盡快教識孩子自律。

其實小朋友學嘢好快,初小上多一星期,佢哋自己會習慣,懂得點樣去開,最緊要之前教定佢哋幾次就ok!當然可能會有突發情況,我諗老師會明白嘅。

實時追蹤香港新冠肺炎確診者住所 / 出現地點,立即下載經濟日報App︰bit.ly/2JdOaiS

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱Telegram最新🍴✈️🎁優惠及送禮情報︰bit.ly/3bebLM2

責任編輯︰林綺玲