【刑偵日記】姜皓文拍新劇演技大爆發 愛妻號黑仔完成拍攝最想回家見太太

娛樂 17:10 2020/08/31

分享:

分享:

黑仔姜皓文拍新劇《刑偵日記》騷演技。

黑仔姜皓文為拍TVB劇《刑偵日記》特意外出租屋居住,上星期劇集煞科,經歷了長達4個月的拍攝,在皓熱天氣和疫情下終於順利完成,黑仔也放下心頭大石,距離回家之路又近了一大步。

黑仔最後一天的拍攝並不輕鬆,不但要跪地拍攝,更有不少情緒激動的戲份,淚流滿臉:「拍場戲之前一路都好緊張,因為劇集埋尾,臨到尾我有好多情緒戲,都幾緊要,時間愈緊,我就愈緊張,我自己比自己壓力又好大,不過好彩劇本寫得好,順住劇本去就好順利。今日幾場戲效果好好,拍完成個人放鬆晒!」

黑仔在現場回看自己的演出。

其中拍攝場境設在在馬來西亞,劇組本來安排到當地拍攝,可惜因疫情關係,最終只能在香港搭景。

去年在馬來西亞檳城置業的黑仔拍攝時難免想起檳城,自從今年過年後就沒有回過去,只能與朋友透過電話互相問候:「希望疫情盡快過去,快些與朋友再聚,大家都加油,好快沒事!」

至今已一個多月沒有回家的黑仔稱,拍完劇後最想盡快回家:「第一時間要返屋企見下些小朋友(愛犬),好耐沒見牠們,其實都未返得屋企住,等一個多星期自己再隔一隔離才回去,不過心情已經全不同啦!」雖然會錯過愛犬的生日慶祝,但為家人安全,黑仔寧可獨自忍受思念之苦。

事因上月電視城早前曾有確診者到訪,姜皓文為了家人安全,搬離愛巢,租屋暫住。最後劇組送上花,與工作人員大合照,為黑仔的拍攝畫上完美句號。

撰文 : TOPick柴犬出動