【開工大吉77】羅家英爆追求阿姐趣事 經歷大病自覺要保護汪明荃

娛樂 10:25 2020/09/02

分享:

羅家英接受好友苑瓊丹訪問。(香港開電視提供)

羅家英日前應好友苑瓊丹邀請任香港開電視《開工大吉77》訪問,苑仔追問羅家英與汪明荃拍拖逸事,家英哥笑指招架不住,唯有坦白交代。

家英哥來自粵劇世家,爸爸從小教導要傳承粵劇文化,自此肩負重任。

他指:「爸爸話他養大仔女,全靠華光師傅賜啖飯給我們食,爸爸還說做戲不是低下階層,是社會一份子,所以要求我將戲曲同粵劇傳頌落去,做人不能忘本!」

家英哥由73年開始已經為粵劇宣傳,不時要去為新一代上堂,現有五個徒弟、百多個學生。

苑仔問何以家英哥吸引阿姐,可惜被對方遊花園:「我都不是好明白,我不知她鍾意我甚麼!我對她不算細心,又不算好遷就,外界以為她過我都好正常,因為她對工作好嚴緊、要求好高,覺得對羅家英都是,實情是…都差不多啦,我好難講得出口,好難答!」

家英哥指自己不夠浪漫。

家英哥自言不浪漫,為給阿姐名份而結婚,笑指自己思想陳舊:「我們沒示愛,第一次拖手是過馬路,拖吓放手又拖吓,之後睇戲她話好驚就拖住我,大概是這樣。」

二人先後經歷大病,過程中互相支持,撐起對方的心靈:「其實阿姐先病,我記得有次內地開會,她突然說要返香港看醫生,我去接佢,知道要做手術她都驚,全靠我在旁邊做大男人,『保護你,唔洗驚,有我係度!』,她好感動。」

經歷大病對人生看不同看法。

由粵劇界跳進電影圈,第一次拍戲參演成龍作品,後來再被鄭丹瑞相中改變一生:「當時他找羅家英拍劇,剛好谷德昭看完又介紹我給周星馳,便做了『達文西』角色,跟阿星撞出火花。同時我拍緊《女人四十》,當時都叫我搞笑,但許𩣑華後來叫我做感情戲。她問我想角逐男主角或男配角,我認為男配角機會較大,最終贏了金馬獎。」

撰文 : TOPick柴犬出動