【勢利親戚】Band3生DSE努力考獲17分被親戚揶揄 媽媽一句暖心鼓勵重燃鬥志

育兒經 16:59 2020/09/02

分享:

有Band3中學應屆考生於DSE考獲17分,惟被上流親戚冷嘲熱諷,惟媽媽暖心一句鼓勵他。

儘管結果並非圓滿,但盡自己最大努力,也會對得起自己。一名Band3中學的應屆DSE考生於社交媒體分享,指自己DSE成績雖未能考入大學,惟意外地考獲17分,他感到又震驚又開心,家人亦非常滿意成績。然而,近日他們一家三口出席家庭聚會時,被「上流親戚」冷嘲熱諷,揶揄其成績差更落父母面,令他深感自卑。幸好,考生媽媽不介意,甚至安慰鼓勵他。

一名應屆DSE考生於Facebook專頁「名校secret」發文,指自己在Band3的中文中學讀書,因家人工作忙碌,從小沒有監督功課或催谷讀書,而他本來的自覺性較低,上中學後更終日無所事事 ,「我冇嗜好冇興趣冇目標,讀書都係好Hea」。

DSE獲17分讀高級文憑

DSE派成績前,他更打定輸數來年需讀基礎文憑,沒想到最後達5科2級成績,

Best 6仲有17分, 雖然都係過唔到大學門檻,但都幾震驚下,開心到癲咗。

至於家人對於他不用讀基礎文憑感到非常開心,最後他修讀高級文憑。

上流親戚冷嘲熱諷

不過,日前他們一家3口出席家庭聚會,他形容親戚們都是「好有錢同好勢利嘅人」,當天一直拿他與親戚同屆的女兒作比較,考生有自知之明沒有任何羨慕或妒忌,

我自己知道自己有幾多斤両,好感恩我父母從來都唔會將我同人哋比較。 

可是,其他親戚當他們一家人透明,即使用餐、打麻雀都無視他們的存在。其中一名親戚更在臨走前對他媽媽說,

一早叫你每個月用幾千蚊俾佢補下習就唔使咁啦。

更指著他說,「你呀!努力啲啦下。」

因成績差落父母面感到自卑

考生那刻被親戚的言論嚇驚,但令他最心痛的是,媽媽竟然回答說,

係囉!最衰我哋搵得少,俾唔到最好嘅學習環境佢。

考生回到家後反鎖在房間內,之後2天沒有與媽媽對話,「我人生第一次咁自卑,一方面覺得自己考唔入大學令阿爸阿媽好無面,一方面感覺到上流嘅親戚都唾棄低學歷嘅我哋一家人,好無奈。」

媽媽鼓勵兒子重燃鬥志

媽媽最明白兒子,她知道兒子不開心反安慰他,「阿仔,你已經好叻,入唔入到大學,我哋真係唔介意,你已經叻過爸爸媽媽,就算你以後做啲咩,做得叻唔叻都好,只要對得住天地良心、爸爸媽媽就可以」。

網民:努力讀書上大學

網民看畢帖文紛紛留言為考生打氣,「只要你HD讀得好,入大學絕對唔係夢」、「識好多人都係由ASSO或HD上大學啦,唔係由DSE上」及「人比人比死人,每個人起步都唔一樣,去到自己想去嘅目標先至係最緊要」。不少人羨慕考生有個明白事理的媽媽。

你媽媽唔嬲你之餘仲反過黎安慰你,證明佢真係好愛你,愛你仲多過佢自己。

實時追蹤香港新冠肺炎確診者住所 / 出現地點,立即下載經濟日報App︰bit.ly/2JdOaiS

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱Telegram最新🍴✈️🎁優惠及送禮情報︰bit.ly/3bebLM2

責任編輯:王明芳