【打工仔悲歌】樓價高工時長人工追不上通脹 港男嘆上車難︰唔通40歲仲同父母住公屋

親子 11:22 2020/09/06

分享:

有港男出帖文大嘆打工仔上車難,工時長人工追不上通脹。

香港百物騰貴,樓價長年高居不下,但打工仔的人工卻追不上通脹,令人灰心。有港男在網上大呻上車難,擔心自己到40、50歲還要和父母住公屋,生活日日如是,慨嘆「香港真是一個病態的社會和地方,令人生厭。」

一名港男在「連登」討論區發文,大呻打工仔辛酸,每朝7時許起身趕返工,買個麵包就上車迫巴士,「之後落車上斜行10分鐘,食晒香港又污染又污濁的空氣。」展開打工仔悲情的一天。

返工日日OT 戴面具扮開心

港男返到公司,需戴上面具做人,既要面對複雜的人事關係,還要做好多費神的瑣碎工作,「要對住人扮好開心好開朗咁,又要快又要唔可以有錯。」忙碌一天轉眼到放工時間,但總要OT一會,收工搭車返到屋企已經9時、10點。

當港男收工回家期間,入連鎖店買朱古力時,見到店員神色呆滯,兼掛上「辛苦的假笑」說歡迎光臨,令他不禁悲嘆︰「活在香港就要這樣子嗎?」港男搭巴士回家時又要同人迫,此時才發現車費原來加了幾毫,質疑為何車費總是有加無減,

點解只有加, 我未見車費減過嘅,人工又唔(見)我加……

大學生供不起400萬元單位

下車步行回家時經過樓下地產舖,發現屯門區的單位一般都要約400萬,他計過,2成首期要80萬,320萬分20年還,估計大約要供640萬,分20年供,平均一個月2.6萬,現時大學生投身社會後,月薪都未必有1.6萬元。

唔使畀家用、水、電、雜費、loan(學貸)、搭車、食飯、上網、電話、睇醫生、強積金等咩……唉......唔通將來40、50時,仲要同父母住公屋?

返到屋企厭世事未完,港男食完飯、梳洗完開電視,聽到新聞提到「最低工資35元」,內心質疑35元做不到甚麼,並直指香港上車難的景況,是官商勾結導致樓價高企。

港男︰香港是病態的社會

即使香港交通方便、娛樂多、稅率低等,加上「甚麼舖頭開到好夜」之說,他認為都是將大家的方便建立在店員工時長的痛苦上;而所謂「多娛樂」,都是行街,唱K和一式一樣的商場。

香港真是一個病態的社會和地方,那樣令人生厭……但自己有不滿去怨,也於是無補,唯有自己努力點,才有機會離開這個煉獄般的地方。

網民︰香港係生存唔係生活

帖文引來一眾「巴打」共鳴,有人感慨說「一路睇一路喊」、「香港根本係生存,而唔係生活」,最慘是香港「細到連一個可以放聲喊嘅地方都冇。」

有網民認出帖文並非事主「原創」文章,是引用了一篇10年前的舊文,再更新數字,想不到10年前後仍適用,非常可悲,「10年之後乜都冇變過、反而更加差!」

實時追蹤香港新冠肺炎確診者住所 / 出現地點,立即下載經濟日報App︰bit.ly/2JdOaiS

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱Telegram最新🍴✈️🎁優惠及送禮情報︰bit.ly/3bebLM2

責任編輯︰林綺玲