【BB來了】陳嘉寶驚喜公布誕第二胎 零孕味Anjaylia生7磅重B女

藝人陳嘉寶（Anjaylia）去年結婚並跟丈夫黃頌祈誕下一女Hosanna，今日陳嘉寶突然在社交平台報喜，公布自己早前秘密懷有第二胎，日前更已經順利誕下B女，令人十分意外！

陳嘉寶在社平台貼上新生BB的手仔相片，並用英文留言，透露B女英文名為Eliana，嘉寶又好開心指第二位小天使降臨家中，對囡囡的來臨非常興奮及感恩。

嘉寶又指現時因忙於照顧兩位囡囡，未能逐一答謝大家嘅祝福。

▲ 嘉寶發布B女手仔相。（取自IG）

嘉寶多位圈中好友如賴慰玲、倪晨曦、謝安琪及龔嘉欣都有有送上祝賀。

嘉寶向傳媒表示。第二個BB Eliana喺在9月中旬出世，孕期都好平安，她亦感謝主，又指今次是自然分娩，過程好順利，BB約有7磅，過去呢幾個月都係休養關係，加上疫情，所以少咗出嚟同大家見面，期待快啲出嚟見大家！

▲ 跟老公一直恩愛。

陳嘉寶自生第一胎後，近一年亦常有公開工作，但一直未見懷孕味，且身型纖幼，月前她更公開浸浴照，今次驚喜公布生B，網民都感意外。