【自私兄嫂】兄嫂住隔離街孩子長放父母家飯前才出現 港女大呻:生咗唔湊又唔理

親子 13:26 2020/09/21

分享:

有港女投訴,指兄嫂長期將孩子放在其家中6年,從來沒有照顧孩子。

本港爸媽大多為在職父母,工作時間長只好將照顧孩子的重任交給四大長老負責,惟有港女近日於社交媒體大呻,指兄嫂住在隔離街,但將孩子放於年長父母家中照顧6年,只會在吃飯前數分鐘才出現,飯後便直接離開,從來沒有照顧孩子。港女放工放假需幫忙照顧孩子,抱怨失去個人休息時間,批評兄嫂沒盡父母責任,「點解要生佢出嚟?」

一名港女於Facebook專頁「生仔要考牌」投稿指,她與年長父母同住,而兄嫂在6年前誕下孩子,並住隔離街只相隔數分鐘路程。然而,他們長期將孩子放於其家中,由年長父母照顧。他們則每日只在吃飯前數分鐘才出現,吃飯後坐一會後便離開。

港女犧牲自己︰變咗係我BB

港女無奈表示,自己工作回家後身心疲憊,但回家後仍需幫忙照顧或陪伴小朋友,

但唔湊又唔係,自己呀媽已經湊咗成日咁辛苦,都想幫輕下佢。

港女即使在放假時想休息睡覺,亦因照顧小朋友犧牲個人休息時間。

個bb好似變咗係我個bb咁,好影響我生活。相反,個bb嘅父母就逍遙自在,唔知呢啲日子幾時先完。

兄嫂逍遙自在從未照顧孩子

她又指,小朋友從一出生就在其家生活,一直到現在6歲。她擔心自己將來嫁人後,其父母仍要繼續照顧小朋友,「無咗我幫手,兩老仲攰。」港女對於兄嫂自私的舉動感到無奈,

無做好做人父母嘅責任,點解要生佢出嚟?生咗又唔湊又唔理,長期擺個小朋友喺人哋屋企,生嚟有咩意思呢?

網民力勸「唔好湊啦」

不少網民留言勸喻港女不要幫忙照顧,「做乜落手湊,邊個唔夠狠、邊個仲忍緊,你睇BB佢父母幾風流快活就知道呢招work啊年輕人」及「真心唔明d人生完唔湊係咩諗法,如果真係要返工,我覺得夜晚都要湊返。如果唔係,咁真係老豆老母嚟咩?」

有人建議港女應與兄長商討,提議周末將孩子帶回家照顧,盡父母的責任。亦有網民留言指,有家人或自己同樣是周末父母,

我家姐都係做weekend父母,佢個仔由3個月大,到而家10歲,都係我父母湊,我家姐星期五接,星期日又交返俾我父母。

另一網民指自己是假日媽媽,平時兒子由奶奶照顧,因工作忙碌未能趕在兒子睡覺前回家,只能選擇在周末放假時到奶奶家中過夜,自己照顧兒子,批評帖文中的兄嫂太大安旨意,「嗰對父母食飯先蒲頭,我恨不得日日可以趕得切返去睇個仔,一陣都好。」

實時追蹤香港新冠肺炎確診者住所 / 出現地點,立即下載經濟日報App︰bit.ly/2JdOaiS

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱Telegram最新🍴✈️🎁優惠及送禮情報︰bit.ly/3bebLM2

責任編輯:王明芳