【小一面試】港媽準備小一面試拍片眾生相 有人租豪宅有人請老臨頂替粗魯老公

教育 12:22 2020/09/30

分享:

有學校要求拍攝5條面試短片。

過去星期,家長群組洗版熱論的主題,幾乎都是有關某名校招收小一學生,要求家長為小孩拍片。還不僅是一條影片,是足足要拍攝五條展示小孩不同活動和技能的一分鐘短片,家長無不議論紛紛。

「嘻嘻,幸好我個係仔,呢間女校唔關我事。」

「乜你唔知咩?其他學校都會效法呢!」

五歲小孩考小一是人生重大關口,因為大部分家長都迷信於孩子要贏在起跑綫,窮畢生精力也要孩子成功入讀心儀小學呀!從兩歲開始已勤力帶孩子上小一面試班,萬萬也料不到會殺出一場世紀大瘟疫,世界迅速變了,就連正常的小一面試也取消了,那怎辦?

「死啦!我要拍阿女,但係又要出鏡陪佢,我老公又笨,攞鏡一團糟,咁點算呀?」

「呢啲錢唔慳得,我已經請咗production house,要一take落無得剪接,難度極高,佢哋拍攝至夠pro嘛!」

「死啦,我屋企連似樣嘅飯桌都無張,我個女實考唔到啦!」「Book間豪宅啦!」

「我個女唔識揸筷子喎,教都教唔切㗎?!」「我老公都唔識揸筷子啦!」

「我唔擔心個女,我擔心我老公多啲,佢個人粗粗魯魯咁,失禮死人啦!」「你會唔會考慮請個老臨扮你老公呢?搵個似鄭嘉穎靚爸或陳豪型爸都好喎!」

「哎呀,拍片日我要想辦法使開老爺奶奶。」「拍片日我要請老爺奶奶嚟就真。」聽說老人家是名流富豪,一定加分呢!

全文刊於《經濟日報》,原題為「小一面試考啲乜?」

撰文 : 鄧藹霖