【名校掙扎】讀名校家境輸蝕考包尾好自卑 過來人小鐵漢爸爸籲父母慎選名校

教育 13:21 2020/10/10

分享:

小鐵漢爸爸希望父母為子女選名校時,考慮家庭條件及小朋友能力。

近日有出身基層的港爸在網上分享讀名校的經歷,認為讀名校不會令人生更平坦,反而換來不快樂的青春,不希望強迫兒子入名校。其後小鐵漢爸爸亦在社交平台發文,支持這位港爸的說法,並以名校畢業生的過來人身分,分享當年讀名校家境被比下去,而且因成績包尾感自卑。他希望父母為子女選名校時,要考慮家庭條件及小朋友能力。

3歲男童小鐵漢(Kansas)患有先天性心臟病,出生後接受過3次開腔手術,之後又經歷更換機械心瓣及植入心臟起搏器手術。9月29日全港中小學及幼稚園第二階段恢復面授課堂,小鐵漢亦首日返幼稚園入讀K1。小鐵漢爸爸Jayco發帖感慨,「3年前嘅我,真係冇諗過阿仔可以有命返學,真係好感動。」

讀名校是惡夢開始

9月至10月是報讀學校的高峰期,Jayco就近日有港爸發表不催谷兒子入名校的言論,昨日(9日)在Facebook群組「巴打絲打「13親子育兒」Facebook Club」發帖,表示自己是「唔課金嘅名校畢業生」,講述他小時候家貧,讀書亦非特別出眾,因有親戚是名校的教職員,而令他入讀了名校。可是,他指讀名校是惡夢的開始︰

情況就好似你係一個打機唔課金嘅Player,但又要你同啲課金嘅Player單挑 / team-up咁……

    點擊圖片放大
    +3
    +2

PE堂波鞋看出家底

他分享名校同學都是有錢仔,舉例上PE堂已看出家底,「個個都係著過千蚊嘅波鞋,我就得一對白飯魚……佢哋歧視你著白飯魚,莫講話team-up,玩都唔會同你玩呀。」

課外活動如劍擊、劍道、射擊等要先買幾千元裝備,有錢同學才能參與,至於田徑、足球、藍球等運動就變成「貴波鞋嘅fashion show」。由於家境懸殊,他難以與同學「埋堆」。

因挫敗感而放棄讀書

讀書方面,Jayco稱「因挫敗感而放棄」,他指本來在之前的學校成績中等,但入讀名校後卻發現另一景象︰

真係唔知班有錢仔食咗咩禁葯(瘋狂補習),個個讀書都好勁……喺外邊成績中等嘅我,入到去哩班『精英』度,就變咗包尾……

他曾經努力過但成績未有改善,得出結論「努力讀又係包尾,唔讀又係包尾,咁梗係唔讀啦」,最終他在會考0分。在帖文末,他希望父母為子女選名校時要考慮清楚︰

如果你唔係有錢人,而你小朋友又唔係讀書好勁,咁你真係要諗清楚係咪夾硬送小朋友入名校呀!

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱TOPick Telegram,集合最新優惠及送禮情報︰bit.ly/3bebLM2

責任編輯︰駱秀玲