【錦繡南歌】菊梓喬拍MV恨怕古裝劇　Hana放不下舊情要學灑脫

菊梓喬（Hana）早前為內地古裝劇《錦繡南歌》主題曲《說過放下》拍攝 MV，以入行前的齊蔭髮型現身，令Hana如重溫初出道的自己。

Hana表示：「一直好想試試重回自己以前的造型，經過同髮型師溝通商量後，在今次MV拍攝中嘗試一下，不過發現原來不是樣樣事都可以返去以前，雖然好多人讚靚，但整個感覺已經不同。」

▲ Hana表示想拍古裝劇。

曾多次為古裝劇唱歌曲的Hana，其實最想有機會嘗試拍古裝劇。她說：「之前曾經試過在一個節目作古裝打扮，好多人都指我好適合，說我樣子好古典及文靜，不知何時會有導演找我試拍古裝劇。」

今次《說過放下》講分手要灑脫，Hana就形容自己「掟煲唔掟蓋」，指自己每次面對分手都非常不捨得，糾結著已逝的感情，需要好一段時間處理自己的心情，所以不會胡亂投入一段感情。