【玩轉巴士河】九巴仔抽水推KMBuscation 網民熱選53號線做膽拖玩轉本地巴士河

休閒消費 15:34 2020/10/20

分享:

九巴仔抽水推#KMBuscation」,網民即時建議多條搞笑一日遊巴士河路線,暢遊港九新界。

一放假就想去旅行的香港人,因應疫情而逾大半年被禁足留港,果真慘慘豬。幸好本港酒店業及航空業催生了不少「Staycation」、「Flycation」等救亡綽頭,才可稍為滿足大家的旅行心癮。近日,連九巴也想玩埋一份,建議大家放假來一個「KMBuscation」,搭九巴周圍去暢遊港九新界,車費平之餘,還不怕被人亂扣「碳排放污染」帽子,一於趁本周重陽節假期long weekend「坐巴士河」!

近年於社交媒體如Facebook等做公關宣傳多次贏得好評的九巴,日前乘勢「抽水」推出KMBuscation,同樣掀起巴士迷話題。卡通代言人「九巴仔」一句:「世界上最遙遠的距離不是生與死,而是香港風景就在眼前,你卻以為搭飛機才能看得見。」語帶雙關又搞笑。

九巴日前乘勢「抽水」推出KMBuscation,成功掀起網民話題。(九巴Facebook專頁圖片)

九巴仔在九巴Facebook專頁分享「KMBuscation」的源起:

呢排聽到大家都好熱烈咁討論緊Flycation,可以給大家漫無目的咁遊覽香港,欣賞香港美麗景色,好似去旅行咁,真係諗起都興奮,連九巴仔本身都好想試下。但諗諗下,呢啲嘢九巴仔平時都做開,每逢放假,九巴仔都會搭九巴周圍去,睇下日出日落,靜靜地咁欣賞每一個香港景色,每次都好似去緊一個小旅行咁,既開心又興奮,車費仲好平添。唔信?今個周末,約埋朋友試下KMBuscation,唔睇路線、唔睇目的地咁搭下九巴,話唔定,呢一個小旅行會令你發現更多香港嘅美好~~

「KMBuscation」意念一出,隨即惹來巴士迷及網民積極提議香港一日遊巴士路線:

1.路線51號巴士,上村上山那段路猶如日本郊野山路,美麗平靜;路線53號巴士,青山公路美麗海景和欣賞宏偉的汀九橋;路線77K號巴士,錦田和粉錦公路的鄉村風味;路線91號巴士,又可以看清水灣道旁壯觀的山谷,到清水灣又有海景睇;路線E34A/B巴士,汀九橋、青馬大橋和北大嶼山公路的風景。

2.路線51-54-53號:新界西山海線一日遊;路線76K/77K-73B-64K號:新界東一日遊;路線76K-77K號:新界北一日遊;路線40-2A/6D號:懷舊之旅。

3.大埔出發搭64K,到元朗轉53,之後荃灣轉290,最後黃大仙轉74A返大埔。

4.路線93K+33A+53+64K+74X+98,全個九龍同新界走一圈。

5.一定要搭64K,站多車程長,郊區山路,搭到懷疑自己入咗結界。

6.路線53號來回,記得上車前唔好飲水。

九巴53路線被不少網民指是「最攞命」的超長車程路線。(網上圖片)

似乎九巴路綫53號(由荃灣碼頭經屯門青山公路到元朗)是眾多網民「熱選」,官網資料說此路綫整個車程長約104分鐘,有網民指假如遇上塞車,車程需時至少兩個半鐘!網民紛紛道出親身經驗:「夠去台灣啦」、「53是新界西嘅山海線,同台鐵有得比」、「搭完53落車果刻,直頭有密室逃脫成功嘅感覺」。

有網民搞笑回應指:「無位坐,企足全程,係咪叫Standcation?」公關功夫了得的九巴仔,眼見反應熱烈,也不時加入吹水——

網民:「咁搭巴士經濟啲。」

九巴仔:「仲可以儲分換口罩/車票/模型添。」

網民:「有無巴士姐姐㗎?」

九巴仔:「巴士哥哥都有!」

網民:「巴士哥哥有無肌肉先?」

九巴仔:「肉就一定有!」

網民:「我想一口價坐九巴去齊港九新界。」

九巴仔:「月票一口價$780。」

九巴仔果然是被巴士耽誤的公關奇才。

記者:鄺素媚