【準人妻】接賴慰玲兒子放學實習當爸媽　何雁詩充滿幸福感：想永遠記得這場面

鄭俊弘與何雁詩將於下周六（11月7日）共諧連理，快將榮升「鄭太」的何雁詩日前跟鄭俊弘實習下當爸媽的感覺。

何雁詩昨日（10月29日）在個人IG發帖文，她透露跟鄭俊弘接好姊妹賴慰玲的兒子Marat放學，其後更一去公園玩耍，當中她貼出兩張照片，只見何雁詩跟Marat玩得頗開心。

▲ 鄭俊弘跟何雁詩快將結婚。（取自instagram）

當中何雁詩寫道：

第一次接放學，本來都唔想多講但係我地今日真係好開心，契爸爸知道自己被委任接放學之後，自覺好有責任感好開心，放左學我地去遊樂場，去睇人放風箏，好想永遠記得呢d場面。時間真係果得好快，明明當時我地仲幫緊大肚賴mommy著拖鞋，話咁快個仔已經翻緊幼兒園，諗返起我哋班姊妹由六個女人，去到多左三個小朋友，真係覺得好幸福，好多謝出現係我地生命入面呢幾位小朋友，為我地帶黎左好多歡樂，佢地每一下笑聲都好治癒，可唔可以唔好大得咁快呀？

有網民讚這場面十分溫馨，亦有人留言說：「有仔趁嫩生」，又笑稱何雁詩為「何媽媽」。