【開工大吉】盧海鵬憶初入行月薪僅500元 演戲半世紀宣布半退休:已得償所願

娛樂 13:19 2020/11/04

分享:

盧海鵬在節目憶入行往事。

近年減少演出的盧海鵬,日前接受好友苑瓊丹《開工大吉77》訪問。鵬哥久未露面,笑言「睇住苑仔大」,喜見對方演技有進步,又談及入行往事及近年演出心態。

鵬哥不諱言:「我對著蠢的對手會扯火鬧人,我不理你喊不喊,總之做戲唔好怕場面,但女仔我好少鬧,惟有不出聲!對住好朋友就會講笑,但對著陌生人就不出聲了,可是我不論怎嬲,大家都覺得好笑,我有自己主見,但別人覺得我固執,是否好相與就看環境!」

鵬哥從小對演戲充滿興趣,以前在街頭看完粵劇,回家便跟好友再演一次,笑道:「我唔記得台詞的,鍾意便自己加上去,全部自己搞。去到中學做民工團團長,樣樣都要識,畢業本打算考電影,但間間都不請人,最終出嚟工作。」

【扮嘢王】盧海鵬消瘦現身跟呂珊合唱 曾通波仔鵬哥中氣十足唱《幾許瘋語》【有片】

苑瓊丹跟鵬哥十分老友。(香港開電視提供)

入訓練班跟發哥做同學

鵬哥27歲在香港想考訓練班,卻因超齡,至第二年再試仍被拒,第三年有朋友通知年收生上限35歲,才入了訓練班。

他憶述:「當時我打工有八百元一個月,但因太鍾意做戲,故都係去考多次,最終同周潤發、吳孟達等做同學。當時簽約僅月薪500元,畢業還要自己整件『單吊西』,靠四千蚊積蓄捱到畢業。」

入行後靠積蓄過活,鵬哥笑言曾要行路返工,更把握每個演出機會:「當年做特約五元一集,我便舉手做,因為我外表惡,專找此類角色給我做,又辛苦又難記,我便試做喜劇演員,大家覺得幾好,就轉了型。」

鵬哥細談往事。

鵬哥笑指自己「半退休」,坦言有工開會再度復出:「梗係想做,但現在沒工作,唯有退休啦!只要體力、能力做得到,都想做,只不過不可以太大動作。我從來沒攞獎夢,後生時想搵錢,到後期幾廿歲,拿獎證明對我都有肯定。我甚麼角色都做過,由細到大都鍾意做戲,做到個名出來,都可以話得償所願。」

    點擊圖片放大
    +3
    +2

古天樂墊支手術費做通波仔

從影45年的盧海鵬,向來有「扮嘢王」之稱,前年鵬哥發現血管阻塞,當時好友杜琪峯和古天樂努力游說他做「通波仔」手術,古天樂更替鵬哥預付20萬醫療費用,及後鵬哥索取保險賠償後再交還給古仔。

現時鵬哥獨自留港生活,太太和家人則在加拿大,鵬哥自接受手術後,便減少演出。而早前就應呂珊邀請在網上節目獻唱。

撰文 : TOPick柴犬出動