【慳錢大法】返工帶飯一年慳錢夠一家四口去台灣 網民意見兩極:出街食飯為放鬆

休閒消費 16:33 2020/11/06

分享:

有網民提出帶飯返工,一年可以慳過萬,夠一家四口去台灣。

一間公司通常都會有帶飯或外出食飯兩派人,日前有網民提出,每天帶飯返工,一年能夠慳超過一萬元,足夠一家四口去台灣旅遊4天。他的言論引起大量網民討論,不少人都反對帶飯慳錢的做法,又指外出吃飯好處多多,更是每天的動力。

網民:帶飯一年慳過萬

有網民近日在Facebook專頁「公務員secrets」投稿,提到在商業區吃午餐,即使在普通茶餐廳吃碟頭飯加飲品,平均每餐都要$60。假設每個月上班20天,一個月的午餐開支已經接近$1,200。樓主認為,如果以上的午餐全部以帶飯取代,每年大概慳到1.4萬元,足夠一家四口去台灣4天遊。

這則帖文在各大討論區引起網民熱議,但大部分網民都覺得樓主離地。有不少人批評他食米唔知米貴,「睇怕未去過街市買餸」,指屋企煮每餐都要$20至$30,又指水、電、煤都要錢。更有人留下刻薄留言如「光合作用慳得仲多」、「食少中午一餐仲慳」等等。

有人認為每天吃隔夜食材不健康,甚至提到「錢唔係慳出黎,更加唔係慳飯錢」,反而要靠投資:

諗盡計點樣降低生活水平換多少少儲蓄,一世都窮。

打工仔:出街食飯最主要放鬆

有網民覺得放飯時間是每天休息的時間,指上班已經夠辛苦,要趁放飯時間外出曬曬太陽、放鬆一下。亦有打工仔可憐地表示,試過帶飯仍被其他同事叫他工作,從此之後無論如何都會外出吃飯。

有部分網民認同帶飯好處多多,認為自己煮不但慳錢,又可以自己挑選新鮮的食材,比外出吃健康及飽肚。甚至有連登網民製作出圖表,比較2019年1月至的膳食開支,他指今年年頭開始帶飯開支的確少了,每月平均開支減少了約500元,一年下來可以慳到超過6千元,更表示:

我每日煮定聽日飯,亦都無阻我每晚炒美股 。

訂閱TOPick Telegram,集合最新優惠及送禮情報:bit.ly/3bebLM2

責任編輯︰陳珈希