【家有惡妻】遭上司逼晚晚陪Happy Hour 丈夫用老婆做擋箭牌︰返文職定做陪酒

親子 16:57 2020/11/09

分享:

有位同事不愛放工後應酬,用老婆做擋箭牌,借故不跟上司happy hour消遣。

打工仔都想準時放工,如果長期OT或者被逼Happy Hour,老婆/丈夫都會有怨言,分分鐘影響家庭和睦。Facebook專頁「辦公室日報」版主聶瞳發帖,分享曾遇到要下屬晚晚一齊飲酒的上司,有位同事就用老婆做「擋箭牌」,不時奪命追魂call及語音訊息轟炸。人人眼中的惡妻其實是貼心又醒目的好老婆。

妻子不允許丈夫放工消遣

Facebook專頁「辦公室日報」版主聶瞳於昨日(8日),分享了一篇「家有惡妻 HAPPY HOUR都要簽回條」文章,道出曾遇到一位上司鍾意跟下屬去Happy Hour消遣,一眾同事推得就推,但間中也要俾面出席。有次在尖沙咀一間酒吧Happy Hour,其中一位同事Nathan的電話響起。

喂,老婆……同班同事飲緊嘢……唔係呀……我唔係咁嘅意思……好小事咋喎……你聽我講先……得得得……而家搭的士返嚟。

大家意識到氣氛凝重,等到Nathan收線,問及發生甚麼事。Nathan回應指老婆知道他外出玩而發脾氣,擔心家變需要先走。

上司笑說他驚青,不明白為何要如此怕老婆。而Nathan在大家的笑聲之中離開,而當他走後,幾個同事就七嘴八舌討論,指他很慘、老婆像很惡、慶幸自己女朋友不是這樣等等。

惡妻奪命語音訊息

另有一次,上司食午飯時已經說放工後要Happy Hour,差不多放工時,Nathan指自己需爽約,取出手機直接播了一段老婆的語音訊息予上司聽︰

我一樣要返工,即係陣間屋企啲嘢我做晒?你就Happy Hour,我就Unhappy Hour,想問下你放工仲要應酬當唔當OT?有冇補水?返一份工朝九晚十一?你工時都好誇張下喎!你返文職定係做陪酒?唔返嚟都冇問題㗎!你決定吖!

真相是丈夫與太太夾計

聶瞳跟Nathan已經不再是同事,但仍有聯絡,有次Nathan邀請他來家吃飯。聶瞳即時有些猶疑,想起充滿霸氣的阿嫂。及後他發現阿嫂好溫柔、好好笑容,代入不到當年殺聲震天個形象,甚至有想是否換了老婆。Nathan察覺到疑慮,直接解釋:

其實一直以嚟都係我迫老婆做衰人,佢係唔會管我㗎!

真相大白了,丈夫寫對白要求妻子錄語音訊息,明白丈夫不好意思開口,推得多又怕得罪人,夾計讓太太做醜人。而阿嫂有次幾個港女朋友話要去酒店Staycation,亦用了丈夫做擋箭牌。

感謝妻子甘於做醜人

Nathan直指人生有三分之二時間工作,不願意再花時間去應酬,雖然很多時可以出公數,甚至當時Happy Hour是上司請,有感以上皆不是福利。

一間公司最好嘅福利,其實係畀員工有更多私人生活同埋時間,但你知道出嚟做嘢有時身不由己,好在老婆唔介意做衰人角色,幫我解決咗好多麻煩。

文章獲「辦公室日報」授權撰文,原文見【按此

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱TOPick Telegram,集合最新優惠及送禮情報︰bit.ly/3bebLM2

責任編輯︰顏紫燕