【曾偉權逝世】契妹SaSa錄音交代曾偉權遺願 感激古天樂鄭敬基陳煒等一直關心

娛樂 10:16 2020/11/15

分享:

SaSa交代曾偉權遺願。

曾偉權昨日(11月14日)不敵癌魔離世,曾偉權生前一直單身亦無兒女,契妹SaSa經常陪伴,他臨終前亦一直由SaSa悉心照料。她錄下一段6分多鐘的錄音交代契哥的遺願,並在昨天晚上近11時,透過曾偉權生前好友鄭敬基 (Joe) 的YouTube channel播出。

曾偉權死訊傳出後,媒體報曾偉權58歲,在SaSa錄音中,交代曾偉權終年59歲。

首先她表示:「各位權權嘅朋友、影迷、傳媒嘅朋友,你哋好,我係Sasa,連日嚟辛苦大家守候啦,宜家我有一個好傷痛嘅消息,會喺權權嘅好朋友鄭敬基Joe哥嘅平台宣佈,曾偉權喺2020年11月12號星期四嘅早上,喺我同我屋企人同好朋友嘅陪伴下,已經安詳地離開咗我哋,享年59歲,佢返回天主嘅懷抱,得到永生,再冇痛苦啦!」

【曾偉權逝世】曾偉權入行38年成綠葉王 曾與梅小惠拍拖13年分手後寄情毛孩

曾偉權與契妹SaSa。

曾偉權生前交帶不設靈

之後,SaSa表示曾偉權生前不愛應酬也怕打擾別人,所以生前已要求不設靈。她並透露,曾偉權近兩年勇敢去對抗癌魔,而且身患重病亦不忘照顧流浪貓狗,稱他是位戰士及令人敬佩:

權權喺生前交帶落,萬一佢不幸離世嘅話,千祈唔好同佢設靈,所以我都要尊重佢嘅意見同遺願,識佢嘅人都知佢好怕嘈吵,好怕應酬,好怕煩到人,佢係一個比較鍾意寧靜嘅人,所以我都希望大家去諒解,佢話如果思念佢,就為佢祈禱,將思念變為愛嘅力量,成全佢繼續為流浪貓狗爭取權益,將佢嘅遺願延續下去。

    點擊圖片放大
    +9
    +8

感激古天樂鄭敬基等關心

接著,SaSa感激醫護人員、家人、朋友等對曾偉權的照顧,以以及對她的體諒,同時點名感謝演藝圈古天樂、陳煒、姚嘉妮、歐瑞偉幫忙,並特別多謝鄭敬基:

排名不分先後,有古天樂、陳煒、姚嘉莉、同埋歐瑞偉,另外,一定要提嘅係鄭敬基,因為喺權權做手街嗰陣時,佢同太太差唔多每隔一日就會嚟探權權,仲要煲埋湯畀權權,到出院嘅時候,佢都成日嚟探望我哋,仲幫我哋托日用品過嚟,Joe哥成日都開解我,係一個好好嘅聆聽者,我喺佢身上都學到好多嘢,我真係好感激佢。

曾偉權最近在《使徒行者3》中有演出。(微博圖片)

到臨近錄音聲帶尾段,SaSa語氣帶點激動:「喺我最需要幫忙嘅時間,佢哋(Sasa家人)總係會出現,支持我同權哥,我真係好感恩。權哥都同我哋講『好彩有你同你嘅家人冇嫌棄過我咋!』我哋點會嫌棄你?因為你係我哋嘅一家人。」

最後她表明以後不會再回答任何有關曾偉權問題,並表示希望大家可給予空間讓她辦理曾偉權後事,讓他入土為安,並再一次多謝大家的關心。

撰文 : TOPick柴犬出動