【兒童不宜】帶仔女睇戲開場前播恐怖片預告 港媽投訴戲院︰會嚇親小朋友

親子 10:29 2020/11/24

分享:

有港媽帶子女到戲院睇戲,開場前播恐怖片預告,她投訴戲院「會嚇親小朋友」。

本港設有電影分級制度,方便市民了解電影類別及揀選適合年齡的電影。近日有港媽於社交媒體稱帶子女到戲院睇戲,開場前播放恐怖片預告,她投訴戲院「會嚇親小朋友」,結果卻惹來網民評擊,指出她帶子女觀看的電影也是IIA級,屬兒童不宜級別。

該名港媽日前於facebook群組「將軍澳主場」發帖,表示帶小朋友到戲院觀看電影《怪誕黑巫后》(The Witches),可是在電影開場前播放了日本恐怖電影《入住凶宅請敲門》的預告片,令她「當時完全呆咗」,因而掩蓋小朋友的眼睛和耳朵。

忿然向戲院投訴嚇親小朋友

港媽在電影完場後到票務處投訴,她指職員聽後感到迷惘,對方指會向經理轉達事件。她抱怨︰

睇咗咁多年戲都未遇過trailer同上映電影類別爭咁遠!播套恐怖片trailer在小朋友電影完全唔合適!希望戲院多加留意!因為真係會嚇親小朋友!

帖文引來不少網民迴響,可是大多都是批評港媽,港媽其後刪除帖文。有網民再把她的帖文轉發,同樣引起討論。有網民認為港媽無理取鬧,表示「你呢個怪獸家長仲恐怖過個預告片」、「咁驚就咪帶小朋友入戲院啦」。

觀看IIA級兒童不宜電影

網民直指港媽帶子女觀看IIA級電影《怪誕黑巫后》,屬兒童不宜級別,批評她「The Witches都好恐怖,又帶小朋友去睇」,並建議她「唔想睇預告片就遲啲入場」。此外,有網民揶揄她「呢個世界好危險,都係塞返個小朋友入肚安全啲」、「其實戲院啲音響咁勁都會嚇親小朋友,不如你返屋企等買碟啦」、「吓吓投訴人,包場囉」。

根據香港法例第392章《電影檢查條例》,香港電影分級制度主要依據觀眾年齡限制劃分為I、II、III三級,第II級再細分為IIA(兒童不宜) 及IIB(青少年及兒童不宜)兩個級別;第I及II級屬勸諭性質,並無法定年齡限制;IIA或IIB級的影片則鼓勵家長陪同及指導子女觀看。第III級最為嚴格,不能售票予18歲或以下人士進入電影院觀看,法例容許驗票員檢查入場者的身份證。

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱TOPick Telegram,集合最新優惠及送禮情報︰bit.ly/3bebLM2

責任編輯︰王明芳