【大學保安員】大學生讚保安是筍工 工作量不多月入1.5萬:返工日日好開心

休閒消費 12:58 2020/11/25

分享:

大學畢業生讚保安是筍工,工作量不多但月入有1.5萬。

職業無分貴賤,最緊要自己做得開心。一名擁有大學學位的網民在連登發文,表示已做了保安員幾年,大讚做保安工作量不多,薪金亦不錯,認為是一份「筍工」!

網民大讚保安員是「筍工」

網民「26歲先黎讀書」在連登討論區以「真心唔明做保安有咩問題」為題發文。他表示自己曾做過幾年保安,近日開始重操故業,但不明白為什麼其他人對做保安有偏見。他認為做保安「性價比高」,現時上班9個小時,人工有1.5萬,每日巡樓2次,每次巡30層樓左右。

他分享平日上班要做的只有巡樓,然後就落下層。快的話半小時就行完,如果看著影片慢慢行就需要一個小時左右。如果留意到特定層樓有問題,他只需要通知當值主管便可以繼續睇片、聽歌。他認為:

論人工15k算係唔錯,工作量又唔多,行下就完,之後做自已嘢沒人理。

對比起較為辛苦的工作,如侍應、快餐店店員之類,他認為保安員工作「簡直係筍」。他目前都不會想再找其他工,反正人工都是差不多,就無謂辛苦。

以前返工日日呻,呻做嘢多出糧小,做到狗咁搵得萬零蚊。而家返工日日好得閒好開心,做到自己嘢又逗到人工。

每日返兩份工月入3.5萬

樓主星期一至五還有一份文員工作,月入2萬,換言之一個月共有3.5萬收入。他表示平時返完保安夜更,換件衫就回到辦公室,6點收工就回家睡3至4小時再去做保安。

保安員工作每星期有一天例假,通常選擇閒日星期三。他以前曾有一份月入3萬的工作,但發夢都記著工作上的事情,壓力大到想自殺,現時「返工就返工,放工就放工」,更可利用上班時間看書、進修,增值自己。

帖文引起不少網民回應,有人認為以樓主大學畢業,應該可以找到更好的工作,不但認為以這份人工並不值得自豪,又指保安無前景。

但亦有網民表示準備移民,打算最後幾個月做保安,每天帶著iPad去開工,「日日玩訓食收工做gym一定好爽」。有人指近日都建議失業的朋友先做保安,「起碼人工唔會餓死先」。

訂閱TOPick Telegram,集合最新優惠及送禮情報:bit.ly/3bebLM2

責任編輯︰陳珈希