【清潔工哀歌】外判茶水姐姐拒洗飯盒打爛杯遭投訴 老公中風憂飯碗不保家中陷困境

親子 14:20 2020/12/01

分享:

本港有外判公司的茶水姐姐拒洗污糟飯盒,打爛平價杯即遭職員報復投訴,一度憂被炒。

打工仔何以為難打工仔呢?有外判茶水姐姐盡職工作,每朝準時負責茶水間的清潔,而合約列明不包括清洗員工的私人飯盒。有行政部人員借意將飯盒放在鋅盤要姐姐清洗,茶水姐姐不從就換來報復式投訴。清潔員工上了年紀,加上丈夫中風行動不便、沒兒女,萬一因投訴而被裁,家中會陷經濟困境。

外判茶水姐姐遭無理對待

有讀者Kit向Facebook專頁「辦公室日報」 投稿,分享茶水姐姐的苦況,而專頁版主亦有感之前做獵頭公司時,不太享受聘請此職位,因為當中有太多心酸的故事,知道有僱主苛刻及歧視,讀者Kit分享的案例是其中。

Kit擔任行政部,每天早上9時,外判公司派來的茶水姐姐嫻姨準時到達公司,她負責茶水間裡面清潔工作,包括洗杯、倒茶水間垃圾、提醒行政部人員有否茶包用畢等,但不包括清洗同事的私人飯盒。可是行政部阿姐偏偏會丟低私人飯盒在鋅盤。

嫻姨話如果企企理理擺喺度都會幫手洗埋,因為嗰啲飯盒擺過夜會有臭味,加上阻住佢洗其他嘢,問題係我阿姐實在太嗱渣,啲飯粒同埋餸頭餸尾唔會先倒落垃圾桶,真係就咁開水喉水浸住。

留下噁心隔夜飯盒逼清洗

Kit更形容飯盒很噁心,因為積水緣故,很多時飯粒、骨頭、肉屑等瀉出來塞住鋅盤,畫面好似嘔吐物,她行過想作嘔。

而行政部阿姐覺得嫻姨不肯幫她洗私人飯盒,令她沒面子,多次借故致電去外判公司投訴,但合約講明私人飯盒不洗,嫻姨其實妥協肯幫忙,只是想浸水前清下飯盒殘餘物體。可是小氣阿姐深深不忿,等機會報復。

早排嫻姨唔覺意打爛隻杯,係平時我哋斟水畀客飲嘅,IKEA買返嚟,6蚊一隻嗰啲陶瓷飲水杯……我阿姐趁呢次事件大造文章,再一次走去同外判公司投訴,話嫻姨態度唔好,特登打爛嘢,要求換另一個pantry lady,同時叫外判公司炒咗嫻姨,唔好用一啲唔聽話嘅員工。

照顧中風老公是家庭經濟支柱

外判公司第二日叫了另一位茶水姐姐上來,Kit擔心嫻姨被辭退,便向她打探,她語氣略帶激動說:

多得你哋囉!打爛隻杯都去公司投訴,你知唔知嫻姨好慘㗎,佢老公中咗風行動不便,又冇仔女,我都係嚟頂幾日㗎咋。

外判公司拒接生意

Kit私下向外判公司了解情況,確認了嫻姨家中境況,對方轉述嫻姨覺得委屈,問及該隻杯是否很貴,想賠錢解決件事。外判公司透露將嫻姨調職至另一棟商業大廈工作,同時表明不會再做Kit公司的生意。

你阿姐成日投訴,太麻煩嘅客唔想留住喇,加上呢棟大廈幾個姐姐都知你公司惡做,個個都唔肯嚟,今日個pantry lady捱義氣頂到月尾㗎咋!

外判公司僱用茶水姐姐,每月只是3,000多元收費,又不用提供福利,行政部阿姐現時需向老細取預算開茶水姐姐職位,開支多,聘請一事陷入膠著狀態,很多同事埋怨她,老細都「詐型」。

文章獲「辦公室日報」授權刊登,原文見【按此

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱TOPick Telegram,集合最新優惠及送禮情報︰bit.ly/3bebLM2

責任編輯︰顏紫燕