【夫妻分居】有自購物業丈夫堅持與奶奶同住 人妻獨自搬走:為咗阿媽唔要老婆

親子 10:48 2020/12/02

分享:

人妻大呻,丈夫寧分居也堅持要跟奶奶同住。

婆媳糾紛是千古難題,若丈夫也不幫妻子,隨時引發離婚危機。有港妻在網上討論區發文指,難忍與奶奶和大姑奶同住,想搬往婚前購入的單位與丈夫二人世界,不料丈夫卻堅持與奶奶同住。人妻最後決定自己搬走,丈夫竟同意,變相是分居,繼而就是離婚,令人妻非常難過,「點解可以為咗個阿媽唔要老婆?」

這名人妻在「親子王國」討論區以「為左阿媽唔要老婆」為題發文,她指出,自己與丈夫婚後,一直與奶奶和大姑奶同住,現已同住了接近4年,不過由第2年開始,她已經很想搬出去,

生活方式唔夾,空間唔足夠,每日都感覺唔開心。

人妻:再唔搬會有情緒病

人妻表示,一直與丈夫為了搬屋問題爭辯,丈夫坦言不想搬,因為他要照顧奶奶,奶奶一年前確診乳癌一期,但治療後已經康復。現時由丈夫負責煮飯,丈夫擔心自己搬走的話,媽媽會沒飯吃。人妻建議請鐘點或教大姑奶煮飯,但都被丈夫回絕。

無論我講咩佢都係唔想搬,但我覺得我再唔搬我都會有情緒病,一返屋企我就會唔開心,覺得老公都無為我去想。

丈夫指人妻不體諒

事實上,人妻在結婚前已購買物業作為投資,她近日終於忍無可忍,向丈夫表示,要搬去自購的單位。丈夫竟同意她搬走。丈夫知道這與分居無分別,之後就是離婚。她知道丈夫不想,但又沒有做任何事去阻止,反而覺得人妻不體諒他要照顧媽媽而留下來住。

我好唔開心,點解可以為咗個阿媽唔要老婆?我真係自己都諗唔到一個理由繼續同佢行落去。好灰,明明我地嘅婚姻係無第三者,但我感覺多咗個第三者叫奶奶。

不少網民都紛紛留言安慰人妻,又指「你老公二揀一,揀咗媽媽,有時分開真係唔一定有第三者」、「可能係佢心中佢阿媽嘅地位係高啲」、「女人為咗男人離開自己父母就無問題,相反個老公就孝順自己阿媽到死係天經地義,而要個老婆委屈一生?」

人妻亦回應指,最令她心碎的是丈夫只選了媽媽,「點解唔可以平衡啲?我唔係話要你唔理阿媽淨係理我一個,搬去附近你都可以隔日返去睇佢,點解都唔肯呢?」

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱TOPick Telegram,集合最新優惠及送禮情報︰bit.ly/3bebLM2

責任編輯:王明芳