【自私家長】疫情下一家大細入長洲大解放 港媽任由小朋友搭船除口罩亂跑︰坐定定好悶

育兒經 12:47 2020/12/14

分享:

疫情下有家長帶同小朋友入長洲遊玩,搭船期間更在船上拉下口罩亂跑。

新冠肺炎疫情持續在本港肆虐,港人不能外遊,不少人選擇到郊外或離島呼吸新鮮空氣遊玩。然而,前往長洲的遊客太多,長洲居民日常生活飽受騷擾,當中更有遊客不理疫情嚴峻,脫下口罩惹播毒之嫌。日前,有網民分享,指有遊客一家大細搭船到長洲遊玩,惟搭船期間拉下口罩在船上亂跑,其家長更懶理表示,「由佢哋玩吓啦,坐定定好悶。」

有網民於Facebook專頁「生仔要考牌系列」上投稿指,每逢星期日均與家人到長洲探望年老獨居親友,為他添置生活用品。他無奈表示,每逢週末長洲較旺角多人:

好多人因為想呼吸新鮮空氣,反而令到週末比疫情前更加多人入長洲⋯⋯個個一入到長洲就好似大解放咁,口罩又唔戴,其實對居民真係構成一定嘅威脅。

小朋友船上亂跑 全程拉下口罩

他分享,日前搭船入長洲時,前排坐有兩個家庭,分別是兩對父母帶同4名年約7至8歲的小朋友。小朋友搭船全程拉下口罩,甚至在船上亂跑。而其中一名爸爸曾勸喻小朋友不要亂跑,但其太太卻一邊開著電話的喇叭,一邊看網上劇集,懶理表示:

你由佢哋玩吓啦,坐定定佢哋好悶㗎。

父母不負責任 影響居民日常生活

網民認為父母的行為不負責任,無奈表示:

你哋會覺得自由行嘅行為好影響你哋生活,但你哋入嚟又咁不負責任,其實都好影響當地居民生活,將心比己,希望大家做返個有旅遊品德嘅旅客。

長洲居民留言:日日都要忍

不少網民留言狠批父母無品,「開到個喇叭大大聲睇片真係好乞人憎」。也有長洲居民留言大呻,指每日傍晚搭船外出上班時,必定會遇著樂而忘返的香港遊客,

上船拉低罩食嘢呀、手袋霸幾個位及BB車手推車阻住條路等等,全部做足。疫症前只係假期要忍,疫情期間可能因為停課同WFH嘅關係,長洲居民日日都要忍。

文章獲「生仔要考牌系列」授權轉載。

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱TOPick Telegram,集合最新優惠及送禮情報︰bit.ly/3bebLM2

【TOPick 6 周年】8萬份獎品每星期不停送︰bit.ly/36yXkmI

責任編輯:王明芳