【口裡不一】心胸狹窄的人遇下屬辭職創業 口說祝福內心詛咒:我睇你幾時死

休閒消費 12:05 2020/12/16

分享:

心胸狹窄的人遇下屬辭職創業,口說祝福內心詛咒﹕我睇你幾時死

「我準備出去闖天下,自己創業,希望可以得到你的blessing。」年輕人向上司請辭,上司拍拍他的膊頭說:「去吧!我在背後支持你,希望你成功,加油!」年輕人雖然入世未深,卻依然能夠從這位上司的語氣中,感受到他的言不由衷,甚至可以偷聽到這位上司的心聲:「創業?我睇你幾時死!」

每個人身邊都總會有幾個表裏不一,口說祝福、內心卻詛咒着你的朋友或同事,可能出於小器、可能出於不甘心:「點解係你去創業而唔係我呢?」希望見到你創業失敗收場。只是命運最喜歡跟這些心胸狹窄的人開玩笑,創業的年輕人終於捱出頭,向大家報喜:「有股東入股我嘅初創企業!」

心胸狹窄的人聽完又會堆起一臉笑容:「恭喜恭喜!」心底深處卻魔鬼上身:「睇下幾時你俾個股東食晒你嘅股份,渣都無得剩。」魔鬼一直期待這一天的來臨,未等到股東侵吞股份的「好」消息,卻又傳來捷報:「我檔嘢上市啦!」

「我一早就話你係叻仔㗎喇,我睇好你嘅上市公司,我一定大手買入你嘅股票!哈哈哈!」說得漂亮,卻掩飾不了心胸狹窄的人仍然不認同年輕人的成就,從沒停止暗中詛咒:「上市?狠批你上市第一日就跌到變仙股!」

「我最鍾意喺呢啲小人面前出現,話俾佢知,就算佢詛咒我,我都活得比佢哋好,等佢哋得個恨字。」好事之徒曾經滄海,吐露心聲。

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

訂閱TOPick Telegram,集合最新優惠及送禮情報:bit.ly/3bebLM2

【TOPick 6 周年】壓軸大獎送6部iPhone12(128GB):bit.ly/36yXkmI

撰文 : 鄭丹瑞