【出軌丈夫】港男為金錢名牌偷食已婚大媽 妻揭丈夫大話冚大話心碎

親子 15:01 2020/12/21

分享:

有港妻揭發其丈夫為金錢名牌偷食已婚大媽,丈夫其後道歉認錯,但後來再發現丈夫說謊。

當發現另一半婚外情,想必一定傷心欲絕。日前一名港妻於討論區發帖,指早前發現丈夫為金錢名牌偷食已婚大媽,惟丈夫後來認錯,聲稱與大媽斬纜,夫婦二人關係稍有好轉。然而,港妻發現丈夫再出軌,以大話冚大話,心痛表示「日日瞓喺我隔離原來係個陌生人」。

一名港妻於網上討論區以「老公同人哋老婆婚外情」為題發帖,指與丈夫拍拖至結婚已經10年,在數個月前,丈夫為金錢名牌偷食一名失婚大媽,他聲稱關係緊維持2個月,過程中僅行街、看電影及吃飯。最後,事件東窗事發,丈夫稱二人沒有發生性關係,沒有超越港妻的底線,

佢話冇,我信佢。最慘係呢個時候屋企人患咗重病,已經好頻撲好擔心,而佢就自己風流快活。

攤牌丈夫稱斬纜 夫婦關係好轉擬「造人」

在攤牌後,夫婦關係稍有好轉,上月更慶祝一個浪漫的十周年紀念。港妻無奈表示,為10周年紀念悉心準備,但丈夫毫無準備,「我以為經過上次件事,佢都會好珍惜我同埋咁重要嘅日子。」因關係有好轉,港妻指她已30多歲,夫婦二人便開始「造人大計」,希望誕下二人的愛情結晶品。

發現丈夫說謊 再次偷食後生女

但在揭發出軌事件的4個月後,港妻第六感再次感應,發現對方再偷食後生女,「問下問下就知道咗,原來佢哋仲搞埋,好傷心。」除此,丈夫更坦承女方已婚,再次請求原諒,

又話真係知錯,我都未諗到應該點,究竟佢真係可信?

網民勸喻:快啲離婚!

不少網民看帖文後紛紛表示其丈夫為賤男,「你老公根本就係老手,食家一名」、「男人一出軌,就不停一個大話接一個大話,講到漏洞百出,只能騙他自己」及「根本就係渣男」。也有網民建議港妻停止造人及離婚,「早離早著」、「既然你唔係你老公想要嘅人,分開先係解決方法」及「趁仲算後生又未有仔女就快啲斬纜,佢已經出軌出到上晒癮。」

丈夫以大話冚大話 與大媽關係從未結束

港妻及後回覆指,她發現丈夫大話冚大話,而大媽並非失婚婦人,丈夫更嘗試用另一個謊言訛稱二人關係結束,令港妻誤認夫婦關係好轉及計劃造人,「如果我知係大話,仲點會想生仔呢?然後佢作咗個後生女出嚟。」港妻傷心表示,丈夫與大媽的關係從未結束,「仲要係有感情嗰隻」,以為對方真誠道歉,沒想到對方依然說謊,

聽講果個人妻有好多男人,唔通今次話完咗又真係完咩?最好恐怖嘅係,過去果7個月,日日瞓喺我隔離原來係個陌生人。

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

【TOPick 6 周年】8萬份獎品每星期不停送︰bit.ly/36yXkmI

責任編輯:王明芳