【BB來了】Patrick Sir太太宣布懷男胎5個月　準媽媽關宛珊貼孕肚照晒溫馨

繼聖誕節有胡杏兒宣布懷有第三胎及余香凝宣布懷孕後，今日Patrick Sir林溥來的太太關宛珊亦宣布懷有男胎5個月！關宛珊與Patrick Sir各在IG貼出數張孕照，二人與小狗非常溫馨，亦可見關宛珊的孕肚已非常明顯。

關宛珊在IG分享：「由我哋拍拖開始就已經存在第三者…而家仲多咗個第四者~ 呢個第四者好乖…喺我哋搬好屋Settle好…喺我完成N3日文呢個目標嘅當日…先俾我哋知道肚裡面住咗個小居民~ 我哋繼續去邊都帶埋呢兩個電燈膽…一家四口開開心心」

【BB大晒】余香凝聖誕節宣布有喜　Jennifer：謝謝上天賜給我們最好的禮物

▲ 林溥來Patrick Sir的太太關宛珊懷孕5個月。（Instagram圖片）

愛妻號Patrick Sir

關宛珊回覆TOPick查詢時亦表示：「我們上年已經想有小朋友，但因為要搬屋、裝修、搵傢俬等都要好長時間同辛苦，始終裝修對孕婦及小朋友都不好，所以就改了計劃，今年搬屋後才再努力。」

她續稱：「所以小朋友好乖，我哋搬好屋襯疫情緩和咗啲先買齊傢俬，再在我剛讀完個日文課程那一天，真是一落堂就發現自己有咗。」

關宛珊又指，因疫情各方面都更小心：「開頭未陀隱時都會很多東西擔心，渡日如年好似坐監般，不過好快調整到心態，多回正能量放鬆心情。」

她又大讚丈夫體貼：「這年我們與屋企人見面次數加埋是一隻手都數得晒，去超市街市買餸等，多數都是Patrick負責，所以拍完劇主持完節目都還要去買到一袋二袋回來，這段時間辛苦晒他。」

【BB大晒】陳明恩38周誕混血B仔　分享抱B溫馨照：Our amazing gift

▼點擊圖片放大

+4

+3

Patrick稱太太笑容越來越甜

而Patrick Sir亦在IG表示：「係呀，你冇睇錯呀，你睇到嘅呢個天使化身係我老婆Kimmy呀！見到佢個肚多咗啲嘢？嗰個係上天送俾我哋嘅聖誕禮物嚟㗎，份禮物我哋5個月前已經收到，仲睇住佢越嚟越大，而老婆面上嘅笑容就越嚟越甜。」

他亦表示在這個普天同慶的日子公布是想為大家在疫境中打打氣，增添正能量。

▲ 二人於2016年結婚。（Instagram圖片）

他又謂：「老婆，雖然每次問你你都話唔辛苦，但係我都要再講多次：辛苦你喇！嚟緊你要對住我同Don Don加BB呢個超級男團，你一定要有更多嘅耐性，但係我保證我哋必定努力為你奉上幸福、快樂！」Sweet 到爆！

林溥來與關宛珊於2011年因拍攝飲食節目認識，其後大方承認拍拖，並於2016年在關島秘密註冊結婚，一直以來都非常甜蜜。

同場加映：【東張西望】東張夫婦互窒放閃　考李旻芳黃耀英有多了解另一半【有片】

記者：陳家瑩、鄭嘉瑤