【被裁機師】港龍機師夫婦一齊被裁 太太有畫畫天份畫寵物畫像自救

休閒消費 12:23 2021/01/04

分享:

港龍機師夫婦一齊被裁,太太有畫畫天份畫寵物畫像自救。

前日,某熱心助人老友傳來信息:「阿碌,你個『免費協助初創者起飛計劃』,只針對食品製造者,太窄又唔公平噃,並非人人有煮食天份㗎!如今經濟低潮,大量高質素者投入初創,不如你拉闊啲啦!」

「好好好,咁,有乜指示?」

「有一對港龍機師夫婦,十月份一齊被裁。太太因有畫畫天份,搞網上畫廊(慳租!)替寵物畫像,聽講個個主人睇完都『嘩』一聲,因與真身外形神韻一模一樣(見圖)。我唔識佢㗎,不過俾你丁肥碌協助初創者熱誠啟發咋。佢個名叫Claudia Sin,你試吓上網search下啦!拜拜!」

認識熱心老友幾十年,深知佢對幫人有永不磨滅的熱誠。主動介紹,唔使有懷疑!

    點擊圖片放大
    +5
    +4

搵啊搵,哈哈,終於搵到喇!

果然,原來,Claudia為港龍副機長,丈夫則為機長,夫婦本以航空駕駛為終身事業,點知……今年真係晴天霹靂,發夢都諗唔到打港龍工,做機師,竟然……兩個一齊失業!

我肥碌素來自己及鼓勵別人皆--怨多無謂,人生不是玫瑰園,打甩門牙帶血吞後,立即再站起奮鬥。總之,天生我材必有用,天助自助者。

若非失業,Claudia就唔會搞初創替寵物畫像。呢個潛藏體內的天份,真是天賜機會盡情發揮。

大家可到佢Facebook:Claudia's Art Gallery欣賞下。

同場加映清洗羽絨方法: 

【TOPick 6 周年】壓軸大獎送6部iPhone12(128GB):bit.ly/36yXkmI

TOPfit 推出食物資料庫,搜羅本地多間餐廳及逾千款食物營養標籤,令您食得有營又健康 立即查看:bit.ly/2UJP4dx

訂閱Telegram最新🍴✈️🎁優惠及送禮情報:bit.ly/3bebLM2

【TOPick 6 周年】壓軸大獎送6部iPhone12(128GB):bit.ly/36yXkmI

全文刊於《經濟日報》