【媽媽恩物】淘寶購洗碗機輕鬆清潔抽油煙機網 港媽新手試用大讚︰老公話好值得買

親子 18:28 2021/01/06

分享:

有港媽在淘寶購買洗碗機,分享新手試用體驗。

早前有港男在網上分享買入洗碗機後,令家庭瞬間變得和諧,更將洗碗機比喻為「家庭和諧機」。近日就有港媽在社交媒體分享,淘寶購買洗碗機的新手試用體驗,她指用洗碗機除去抽油煙機網累積2年的油污,而原本對洗碗機沒信心的丈夫,用後亦表示「好值得買」。

淘寶購洗碗機2,900元包運費

該名港媽本周一(4日)於Facebook群組「淘寶開心share」發帖,表示見到別人分享用洗碗機的經驗,加上冬天天氣凍,要用熱水洗碗才可去油,她家用石油氣,有感長此下去石油費不划算︰

如果中午同夜晚洗碗都開熱水洗,我唔夠膽想像石油氣費幾貴……所以覺得真係可以買部洗碗機試下。

港媽指不少人分享Panasonic的洗碗機好用,不過丈夫對洗碗機沒信心,只當她「買部玩具玩下」,於是建議她買一部平價洗碗機,即使不好用也不肉赤。她最終在淘寶選購了一部Panasonic的洗碗機,她向TOPick記者表示︰

我買部機時人仔(人民幣)2,430(約2,900港元),包埋順豐直郵香港免運費,送到屋企。仲送一盒30粒嘅洗碗粒加一包洗碗鹽,呢個價錢好抵玩。

    點擊圖片放大
    +4
    +3

丈夫大讚洗碗機有驚喜

她指洗碗機容易安裝,丈夫沒經驗都裝到,之後再請電工朋友幫忙轉香港插頭,以便使用。她大讚用洗碗機洗完的碗碟很乾淨,更將兩年沒洗過的抽油煙機網放入洗碗機洗。用洗碗機洗抽油煙機網兩次後,她非常滿意「真係好乾淨,好似新嘅一樣」。丈夫亦改變了對洗碗機的看法︰

未用嘅時候,老公好肯定話洗碗機洗唔乾淨,用咗之後,佢話有驚喜,好值得買!

她受訪表示丈夫是好隊友,平日會主動煮飯、洗碗,但在冬天洗碗洗得多,令他雙手爆拆,「見到都好痛」。這是她買洗碗機其中一個原因︰

錫多啲身邊人,其實少少錢抵俾!

同場加映:慳出洗碗時間,可花心思鑽研廚藝,日式便當食譜即睇【下一頁】

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

責任編輯︰駱秀玲