【自視過高】看輕紥鐵工無學歷易做想搵快錢 港男捱不到1日:鐵重太陽曬

親子 13:44 2021/01/14

分享:

有名港男主動問親戚介紹入行做地盤紮鐵,結果捱不到1日。

行行出狀元,有名港男不知天高地厚,以為自己懷才不遇,事實是每份工都做不長,有次主動問親戚介紹他入行做地盤紮鐵,結果捱不到,只做了一日就大呻。家人看不過眼,妹妹斥責他的心態出問題。

每份工3分鐘熱度

讀者Nikki日前向facebook專頁「辦公室日報」投稿,分享家有不濟的哥哥,斥他看輕別人做地盤,結果自己入行捱一日就沒有做。事實上哥哥沒有一份工做得長,最長是做保險,因為返工時間彈性自由,問題是他不自律,每朝很晏才起身,返工一陣就走,亦不負責任,毅然辭工令Nikki、媽媽及親戚的保險單變成「孤兒單」,沒有專人跟進。港男做過不同工作,卻無份長。

返過文職,佢話班同事冇料;返過份健身教練,佢話啲教練要做鴨先開到單;返侍應,佢話氹仔浸蛟龍,委屈自己;返保險,最初話要點樣點樣做區域經理,而家就話要同師奶阿嬸開床單⋯⋯

入行做紮鐵想賺錢

Nikki表示阿哥早排叫一位做地盤的親戚介紹做紮鐵,他純粹聽到人哋日薪過千就心動,親戚起初不肯,不過被阿哥日日電話轟炸,電話內容:

得啦!你睇住我咪得囉,紮鐵有幾難呀?咩話?好重?妖!我之前做過健身教練㗎!幾條鐵冇問題啦!成千蚊日,我捱三個月都有接近十萬,到時先唞下囉!

等阿哥收線後,妹妹勸說,不識紮鐵,不要以為好容易,要學。怎知阿哥得戚自視過高地回應:

嘥氣啦!地盤工,冇學歷都做得啦!手板眼見功夫!我之前唔做咋,如果唔係做到判頭啦!

自視過高捱不到1日

阿哥買了安全鞋準備開工,結果返一日工就沒有做,哥哥在當晚跟家人大呻:

痴線!地盤多釘到呢,著安全鞋都唔安全呀!頂你啲鐵又重!又曬!唔鬼做啦!搵返文職好過。

妹妹有感哥哥辛苦不想做冇問題,但勿用門外漢身份去看不起人,要認清事實是自己根本做不到。

網民以爸爸做地盤為榮

一眾網民紛紛留言指責哥哥的心態,當中有網民分享家人做地盤工的不容易。點擊圖片睇網民有咩講:

    點擊圖片放大
    +7
    +6

文章獲「辦公室日報」授權刊登,原文見【按此

TOPick推出小學各級工作紙,參考名校精選試題,鞏固知識,緊貼學習進度。立即免費下載︰bit.ly/2X96KAZ

【hket TV家庭台】《湊得輕鬆啲》逢周三晚上10點伴你同行育兒路︰bit.ly/35z6COD

責任編輯︰顏紫燕