【有備無患】半夜生病才發現家中藥箱全部過期 鄭丹瑞: 是時候要檢查家中藥箱

健康 10:55 2021/01/21

分享:

是時候檢查一下自己家中的藥箱,有沒有「過期的藥」。

「依家日日食外賣,結果就出事。」好事之徒家中的菲傭,因急事請假回鄉,好事之妻又因為剛做完手術,未能做家務,結果好事之徒就要天天叫外賣。「前晚可能啲外賣唔乾淨,食完之後,瞓到半夜又屙又嘔,好明顯係食錯嘢,腸胃炎。我哋屋企一向都好小心,準備咗一個藥箱,入面放好晒專治感冒咳嗽、頭暈身㷫嘅平安藥,點知一打開個藥箱,入面全部啲藥已經過晒期!」

好事之徒發放了一個無奈的表情公仔,繼續說道:「呢個世界就係咁得意,你以為有備無患,點知原來有備無患都有限期。好人好者,又點會記得自己個藥箱?點會記得入面啲藥會過期?而且唔係過咗一、兩日,係過咗一、兩年!即係話,呢一、兩年嘅身體狀況還算託賴,正正因為身體健康,就完全唔記得咗要為自己屋企嘅藥箱update。依家疫情咁反覆,又唔敢去急症室,結果,過期的藥都唔理,照樣食住一劑半劑頂住先,第二朝先至去睇醫生,即刻補番晒所有過期的藥。在此溫馨提示一下各位損友,係時候檢查自己屋企個藥箱啲藥,有否過期。」

一言驚醒,大家覺得好事之徒這個提醒是功德無量!因為,幾乎所有損友家中藥箱入面的藥品,原來都已經過期。「十年前包抗生素仲擺喺個藥櫃入面。」損友甲傳來那包「遠年抗生素」的照片,供一眾損友欣賞。在這裏也溫馨提示各位讀者,是時候檢查一下自己家中的藥箱,有沒有「過期的藥」。

TOPick登陸MeWe啦:https://mewe.com/p/topick

全文刊於《經濟日報》,原題為「過期的藥」

撰文 : 鄭丹瑞