【明星理財】苑瓊丹進軍飲食界盼開超市王國　苑仔自爆用老公身家錢搵錢

瓣數多多的苑瓊丹早前進軍飲食業，近日更宣佈將投資超級市場業務，苑仔早前跟其他股東出席開幕儀式，苑仔更豪言視上市做目標。

苑仔透露大計：「靠我自已當然做不到，幸而識了一班老實不呃人的Partner，他們做實事、我負責做宣傳，一齊打天下！藝人做生意好易受騙，怕損手輸入肉，所以揀拍檔是最難一件事。如果有朝一日，可以過上市公司老闆癮，就一生無憾。」

苑仔坦言將不斷擴充業務，目標每區都有新店開張：「我們是想做大茶飯，走貼地路線，希望街坊慳到錢，我地又賺少少！加上我有熟餸包品牌，一條龍去做，越搞越大多錢過我老公！

▲ 苑仔自爆用老公身家賺錢。

被問跟老公誰的身家厚，苑仔道：「傻啦！我的錢是私己，他的錢賺來養我，所以永遠都是我贏。」

她笑言老公不介意自己忙碌而無時間「拍拖」，幾個月不見沒所謂：「這是我們生活習慣！之前沒疫情，去內地拍戲一走也幾個月，沒信任維繫不到，所以近年有疫情不能離港開工，他賺了見我的時間，我當然要用他的錢去投資做生意。」