【琴姐設靈】汪明荃致悼詞憶李香琴恩情 帛金捐八和會館回饋粵劇界

娛樂 11:20 2021/01/26

分享:

汪明荃靈堂致悼詞憶半世紀恩情,李香琴帛金捐八和會館回饋粵劇界。

資深藝人李香琴於本月4日因病離逝,終年88歲。琴姐家人於昨日(1月25號)假香港紅磡世界殯儀館為其設靈,今天(1月26日)出殯。

與琴姐相識相知多年的汪明荃任喪禮致悼詞嘉賓,儀式舉之後,汪阿姐把完整悼詞放到社交網站,與大家分享與琴姐相處的點滴,以及表達對這位前輩的不捨。

汪明荃與琴姐於TVB相識,由1971年至今剛好第50年,汪阿姐的悼詞講及真正認識琴姐前,對她的印象仍留在黑白粵語片演「西宮」奸妃的模樣

我認琴姐都差唔多接近半個世紀。同好多人一樣,最初對琴姐嘅象,就係電影裡面嘅奸妃,係余麗珍「東宮」嘅對頭人「西宮」,陰險惡毒,演得入型入格,睇到人咬牙切齒。而我同琴姐真正合作,就係我1971年加入TVB之後,佢亦都由電影大銀幕跳入電視圈,我哋一齊做《歡樂今宵》。

琴姐靈堂。(東星圖片)

汪阿姐憶起二人在《歡樂今宵》的日子,琴姐不論主持、跳舞、雜技、現場賣廣告,唱盡各種粵曲、小調、中西流行曲甚日文歌都能夠即學即唱,扮鬼扮馬方面亦一樣無問題:

扮乜似乜不特止,佢仲諗頭多多,佢個Locker經常收埋好多古靈精怪道具,隨時爆肚笑到大家停唔到;趣劇更加係佢嘅強項,同最佳拍檔炳哥嘅《大鄉里》直頭係代表作,我當年同石修都有份一齊做,跟住兩位前輩學搞笑,真係每次都袋錢落我哋袋。琴姐喺《歡樂今宵》,盡情發揮佢嘅多才多藝、風趣幽默、同埋超晒班嘅急才,所以令佢成功入屋,大受觀眾歡迎!

汪明荃與羅家英前往靈堂送別琴姐。(東星圖片)

後來汪阿姐與琴姐都被調往劇組,汪阿姐最記得二人首次合作的劇集《永恆的春天》,劇中汪阿姐飾演盲女,琴姐演無微不至、賢良淑德的媽媽:

當時一知道呢個配搭,我覺得好新鮮,但係同時都有少少懷疑,雖然喺《歡樂今宵》琴姐都有扮鬼扮馬,但係佢電影嘅「西宮」形象始終仲係好深刻,點知當時拍第一場戲,一埋位,琴姐以往奸妃嘅潑辣銳利眼神竟然可以完全無晒,變為好慈祥同和藹和親,再加埋化妝同造型,真係同霸道嘅「西宮」180度轉變晒,相當厲害!之後劇集一出,佢嘅演出感動到好多觀眾,從此開拓咗佢奸妃以外嘅戲路,喺演出上「改邪歸正」,成功轉型!

汪明荃與羅家英前往靈堂送別琴姐。(東星圖片)

二人的姻緣非常之深,琴姐與波叔梁醒波當年有份鼓勵汪阿姐往粵劇界發展,汪阿姐憶起琴姐對後輩的支持和無私奉獻:

當時波叔亦係八和主席,有一次佢邀請《歡樂今宵》同事,為華光誕演出《六國大封相》,我當年就負責跳羅傘架,但係當時我冇戲服,於是琴姐就私人借咗一套畀我,仲教埋我要點樣演、點樣做,佢的確係好照顧後輩。

汪明荃被邀請為致悼詞嘉賓。(instagram圖片)

而琴姐亦曾擔任八和會館副主席,對於會館舉辦的粵劇學院學員發展非常心,琴姐對於提攜後輩亦非常上心:

當時琴姐遇到有人請佢演神功戲,好多時都會同班主講,佢情願自己收少啲,都希望帶埋一班新人去表演,為佢哋爭取多啲踏台板嘅機會!」當年已有相資歷的琴姐,在汪阿姐第一次擔演粵劇「正印」時,願意客串做「二幫花旦」,在綵排和演出期間毫不吝嗇地教後輩許多事情:「到今日,我都依然衷心感激佢。」

汪阿姐最後一次見到琴姐。(instagram圖片)

琴姐之所以被視為重情義的人,因為她非常關心同行:「她知道戲行好多下欄演員、衣雜箱工人,人工少又或者開工唔夠,生活好艱難,所以一有機會,佢就會搵個令大家聽得舒服嘅藉口,借啲意畀封利是佢哋,所以行內上上下下,都覺得琴姐絕對係一個重情義嘅人。」

一生熱愛粵劇的琴姐曾跟其女兒紫筠說過,好感激華光師傅讓她入行,所以紫筠跟汪阿姐示,希望代表媽媽將其帛金捐給八和會館回饋粵劇界。

琴姐之所以德高望重,唔單止因為佢跨越半世紀嘅演藝成就,而且係因為佢喺演藝界,樹立咗一個典範:佢工作態度認真、勤力、守時不在話下,對任何人亦無分高低,無論有錢冇錢、資歷深定淺,佢都一樣尊重你、一樣對你真誠友善,仲有,即使呢一行人事關係好複雜,我亦從未聽佢講過半句是非,或者喺後講任行人閒話,所以佢人緣相當好,朋友、學生、徒弟、契仔、契女滿天下!

記得我最後一次見琴姐,係幾年前大概佢生日左右,我同關菊英一齊去探佢,當時佢已經病咗一段時間,當日我一入門口,佢就嗌我「Liza、Liza」,個日佢精神好好,好有笑容,我哋仲同佢一齊唱咗幾首歌:「分飛燕」、「香夭」,雖然佢咬字未必好清晰或者唔係好記得歌詞,但係我哋一唱,佢都會接得到,我好受到佢對粵劇仍然念念不忘,不過坦白講,當日嘅相聚,其實我真係唔太肯定佢仲記唔記得我,但係我,一定唔會忘記,喺我嘅演藝路上,曾經同一位咁值得我學習同尊重嘅前輩共事過,能夠同你認識同合作,係我嘅榮幸。

琴姐,一路好走,晚輩永遠懷念。

黃夏蕙分享舊照。(facebook圖片)

除汪阿姐,連續日都有到靈堂的黃夏蕙,亦有在社交網站貼出與琴姐和羅蘭的舊照,並寫上:「琴姐,永遠懷念妳」。

而後輩趙希洛原來自小已認識琴姐,她翻出舊照展示當年琴姐為她製作的童裝粵劇服,並特地帶到澳洲送給她:「你記得我有多喜歡看粵劇和扮演他們,我記得每次穿上這套服裝都至少穿數小時,而且不願把它脫下,這絕對是我最快樂、最喜歡的童年回憶。」

    點擊圖片放大
    +3
    +2

訂閱Telegram最新🍴✈️🎁優惠及送禮情報:bit.ly/3bebLM2

撰文 : TOPick柴犬出動